Fransiyaning sobiq prezidenti 3 yil qamoq jazosiga mahkum qilindi

Fransiyaning sobiq prezidenti Nikolya Sarkozi korrupsiya va sudyalarni sotib olishda aybdor deb topildi. U bu bilan qonunbuzarlikka yo’l qo’ygan va siyosiy mavqeyidan foydalanib, qonunni oyoq osti qilgan. Fransiya sudi uni 3 yil qamoqqa hukm qilgan. Sobiq prezident belgilangan muddatning 2 yilini shartli ravishda o‘taydi.

66 yoshda bo’lgan Sarkozi 2007-2012 yillarda Fransiya prezidenti lavozimini egallagandi.

Ayblovga ko‘ra, Sarkozi prezidentlik davrida partiyasiga qarshi ochilgan tergov haqida ma’lumot yetkazib turish evaziga sudya Gilbert Azibertga Monakoda katta ish taklif qilgan va lavozimini ko‘tarishini aytib, unga pora berishga uringan.

Sarkozi o‘ziga nisbatan qo‘yilgan barcha ayblovlarni rad etmoqda. U 10 kun ichida sud hukmiga e’tiroz bildirishi mumkin.