Iroqda Amerika instituti filiali joylashgan binoda portlash ro’y berdi

Iroqning Najaf shahrida inglizcha ta’lim bergan Amerika institutida portlash ro’y berdi.

Iroq mahalliy matbuotida tarqalgan xabarlarga ko’ra, Najafda joylashgan Amerika instituti binosiga joylashtirilgan bomba portlatildi.

Institut binosi jiddiy zarar ko’rdi. Qurbonlarning bor yoki yo'qligi ma'lum emas.

Iroq hukumati hodisa yuzasidan biron rasmiy bayonot bermadi. Hodisa yuzasidan tergov-surishtiruv harakati olib borilmoqda.