Suriyadagi portlashda rus general-mayor halok bo'ldi
Ma'lumotga ko'ra, Suriyaning Deyr-Zor viloyatidan qaytayotgan rus kolonnasi o'tib ketayotgan paytda yo'l chetidagi qo'lbola bomba portlagan.
1475361
Suriyada qo'lbola bombaning portlashi oqibatida Rossiya armiyasiga tegishli general-mayor halok bo'ldi, ikki harbiy jarohatlandi.
Bu haqda Rossiya mudofaa vazirligi bayonot berdi.
"General-mayor maqomiga ega rus harbiy Suriyada og'ir jarohatlanishi oqibatida halok bo'ldi",-deyiladi bayonotda.
Ma'lumotga ko'ra, Suriyaning Deyr-Zor viloyatidan qaytayotgan rus kolonnasi o'tib ketayotgan paytda yo'l chetidagi qo'lbola bomba portlagan. Dastavval portlashda uch harbiy jarohat olgan. Ulardan birining ahvoli o'ta og'ir bo'lgan va u ko'p o'tmay vafot etgan.
