Afg’onistonda politsiya xodimlariga nisbatan qurolli hujum sodir etildi

Afg’oniston janubidagi Qandahor viloyatida sodir etilgan qurolli hujumda ikki nafar ayol politsiyachi halok bo’ldi.

Qandahor xavfsizlik boshqarmasi kotibi Jamol Nosir Barikzey ma’lum qilishicha, Qandahor viloyati Argandab tumanida xizmat qilgan ikki nafar ayol politsiya xodimi Medad chorrahasida qurolli hujumga uchragan.

Politsiya xodimlari voqea joyida halok bo’lishgan. Ayollardan biri 5 yil, keyingisi 1 yildan ham buyon politsiya xodimi sifatida xizmat qilib kelayotgandi.

Hujumning kimlar tomonidan sodir etilganligi ma’lum emas. Voqea yuzasidan tergov harakati boshlandi.