Afg’oniston g’arbida “Tolibon” jangarilari politsiya nazorat uchastkasiga hujum qildi

Afg’oniston g’arbida joylashgan G’or viloyatida “Tolibon” jangarilari politsiya nazorat uchastkasiga hujum qildi.

Hujumda 8 nafar politsiya xodimi halok bo’lgan, 5 nafari yaralangan.

Bu haqda G’or meri o’rinbosari Habibulloh Radmanish ma’lum qildi.

Uning ta’kidlashicha, “Tolibon” jangarilari G’or viloyati Band Bayan tumanidagi politsiya nazorat uchastkasiga hujum qilgan. Hujum vaqtida bino “Tolibon” tomonidan ishg’ol qilingan.

Otishmalarda ko’plab “Tolibon” jangarilari o’ldirilgan.

“Tolibon” harakati hujum haqida biron izoh bildirmadi.