Iroqda DAIShga qarshi operatsiya o’tkazildi
Operatsiyalarga Kerkuk va Diyala viloyatlaridan ko’plab xavfsizlik kuchlari bilan Iroq havo kuchlari ham o’z hissasini qo’shdi.
Iroqning Kerkuk-Diyala yo’li hududida terror tashkiloti DAIShga qarshi operatsiya o’tkazildi.
Bu haqda Iroq federal politsiya kuchida xizmat qilgan mayor Etir Muhammad ma’lum qildi.
“Terror tashkiloti DAIShdan qolgan safdoshlarining Kerkuk-Diyala quruqlik yo’lida vaqti-vaqti bilan sodir qilayotgan hujumlarini oldini olish maqsadida keng ko’lamli harbiy amaliyot o’tkazildi”,-dedi mayor Etir Muhammad.
Operatsiyalarga Kerkuk va Diyala viloyatlaridan ko’plab xavfsizlik kuchlari bilan Iroq havo kuchlari ham o’z hissasini qo’shdi.
Ma’lumki, DAISh iyun oyida ushbu hududda 8 nafar xavfsizlik xodimini qatl etgan edi. Shu sababli bu operatsiyaning o’ta zarur ekanligi qayd etildi.
Iroq bosh vaziri Haydar al-Ibadiy 2017 yilning dekabr oyida Iroq hududlari DAIShdan butunlay ozod etilganligini ma’lum qilgandi.
Biroq, Mo’sulning g’arbidagi cho’l hududlari hamda Kerkuk, Diyala, Salahaddin va Anbar viloyatlarining tog’liq hududlarida o’z ta’sirini davom ettirgan DAISh vaqti-vaqti bilan xavfsizlik kuchlariga hujum qilmoqda.
