Energiya kun tartibi-39

Maishiy texnikadan tortib avtomobilgacha, kompyuterdan mobil telefongacha elektr quvvati bilan ishlaydigan qurilmalar soni kun sayin ortib bormoqda.

Shu sababli, batareyalar va akkumulyator texnologiyalari mamlakatlar uchun "muhim texnologiya" hisoblanadi. 

Hozirgi vaqtda butun dunyo bo'ylab akkumulyator ishlab chiqarish quvvati 2,6 TVt/soatni tashkil qiladi. 2030-yilga borib bu ko‘rsatkich 3,5 barobar, ya’ni 9 TVt/soatga yetishi kutilmoqda.

Shu sababli Turkiya ham ushbu muhim mahsulotga sarmoya kiritishni qo'llab-quvvatlaydi. Gemlik shahrida birinchi navbatda elektr transport vositalarida foydalanish uchun akkumulyator zavodi tashkil etildi.

Anadoluning turli shaharlarida akkumulyator va akkumulyator texnologiyalarini ishlab chiqarishga katta ahamiyat beriladi. Yangi akkumulyator zavodlarining tashkil etilishi ham kun tartibida… Aynan shu sababdan Turkiya 25-26 sentyabr kunlari “Batareya texnologiyalari sammiti”ga mezbonlik qiladi.

Prezident sarmoya idorasining "strategik hamkorlik" doirasida Batareya ishlab chiqaruvchilar va yetkazib beruvchilar uyushmasi tomonidan tashkil etilgan Batareya texnologiyalari sammiti Gebze viloyatidagi Informatika vodiysida bo'lib o'tadi.

Sammitda akkumulyatorlar va akkumulyator texnologiyalari sohasida faoliyat ko’rsatuvchi mahalliy va xorijlik 32 nafar mutaxassis ma'ruzachi ishtirok etadi. Ular 750 ga yaqin ishtirokchilar bilan uchrashadilar.

Tadbirda akkumulyator ekotizimining har bir bosqichi, xom ashyo jarayonlaridan hujayra ishlab chiqarish texnikasigacha, favqulodda batareya ilovalaridan barqaror chiqindilar strategiyalarigacha muhokama qilinadi.

Innovatsion g’oyalarni baham ko’rish, eng so’nggi texnologik o’zgarishlar va xalqaro istiqbollarni Turkiyaga olib kirish maqsadida uyushtirilgan sammitda, Turkiya bilan bir qatorda jami, 12 davlat ishtirokchilari ikki kun davomida energiya kun tartibini muhokama qiladi.

PİLDER kompaniyasi rahbari Kadem Usta Anadolu agentligiga bergan intervyusida energiya saqlash texnologiyalarini "energiyadagi yo’nalishni o'zgartiruvchi" deb ta'rifladi.

U shuningdek, sammitning Turkiyadagi akkumulyator ekotizimining eng sog'lom shaklda shakllanishiga katta hissa qo'shishiga bo’lgan ishonchini ta'kidladi.

“Batareya texnologiyalari dunyodagi barqaror energiya almashinuvining muhim qismiga aylandi. Batareya va akkumulyator sanoati nihoyatda dinamik soha sifatida jadal rivojlanmoqda. Mamlakatimizda ortib borayotgan talabga qo'shimcha ravishda, G7 mamlakatlari 2030 yilgacha erishmoqchi bo'lgan 1500 GVt yangi global energiya saqlash maqsadi ham ushbu sektor uchun muhim imkoniyat yaratadi. Biz ushbu sohada jahon bozorida samaraliroq bo'lish orqali mamlakatimiz iqtisodiyotiga katta hissa qo'shishimiz mumkin, shuning uchun biz akkumulyator va akkumulyator texnologiyalarida ishlab chiqarish bazasi bo'lish niyati bilan harakat qilamiz”,-deydi u.

Kadem Usta, 2022 yilda 573 million dollardan ortiq bo'lgan lityum-ion hujayra va batareya importi sezilarli darajada oshib, 2023 yilda 1,06 milliard dollarga etganini eslatdi.

U qolaversa, Turkiyada akkumulyator ishlab chiqarish ekotizimida sezilarli o'zgarishlar kuzatilganini aytdi.

“Hozirda 2 ta ishlab chiqarish korxonasi faol ishlamoqda. Gigavatt soatdan ortiq quvvatga ega 4 ta yangi investitsion bosqichda bu raqam yanada ortadi. Mamlakatimiz 2030 yilga borib ishlab chiqarish quvvati 80 GVt/soatdan oshishini taxmin qilmoqdamiz”,-deydi u.

Energiya bozorini tartibga solish tashkilotining saqlangan energiya ishlab chiqarish litsenziyalari va elektromobil ishlab chiqarish bilan Turkiyaning lityum-ion hujayra va akkumulyator talabi 2030 yilga kelib 10 milliard dollardan oshishi kutilmoqda.

Turkiya akkumulyator eksportini 2022-yildagi 10,5 million dollardan 2023-yilda 39,7 million dollarga yetkazdi. Lityum-ion batareyalar hozirda 100 ga yaqin korxonada ishlab chiqarilmoqda.