ئامېرىكا ھۆكۈمىتى ئىسىرائىلىيەنىڭ پەلەستىنلىكلەر پاناھلىنىۋاتقان غەززەنىڭ جەنۇبىغا جايلاشقان رەفاھ شەھىرىگە قۇرۇقلۇقتىن ھۇجۇم قىلىش ۋاقتى توغرىسىدا مەلۇمات بەرمىگەنلىكىنى بىلدۈردى.

رۇسىيە تاشقى ئىشلار مىنىستىرى سېرگېي لاۋروۋ ئۇكرائىنا ئۇرۇشى، ئىككى تەرەپ ھەمكارلىقى ۋە خەلقئارالىق مەسىلىلەرنى مۇزاكىرە قىلىش مەقسىتىدە، ئىككى كۈنلۈك دۆلەت ئىشلىرى زىيارىتى ئۈچۈن خىتايغا يېتىپ باردى.

ئامېرىكا يەمەندە ئىران قوللاۋاتقان خۇسىيلارنىڭ ھاۋا قالقان سىستېمىسى، قۇرۇقلۇقتىن كۆزىتىش ئىستانسىسى ۋە قىزىل دېڭىزدا بىر ئۇچقۇسىنى پاچاقلاپ تاشلىغانلىقىنى ئېلان قىلدى.

باش مىنىستىر نېتانياھۇ ئىسىرائىلىيەنىڭ ھۇجۇملىرىدىن قاچقان 1.5 مىليون پەلەستىنلىك پاناھلىنىۋاتقان جەنۇبتىكى رەفاھ شەھىرىگە قۇرۇقلۇقتىن ھۇجۇم قىلىش ۋاقتىنىڭ بېكىتىلگەنلىكىنى بىلدۈردى.

تاشقى ئىشلار مىنىستىرى خاقان فىدان ئىسىرائىلىيەگە قارشى بىر قاتار يېڭى تەدبىرلەرنى يولغا قويۇشنى قارار قىلغانلىقلىرىنى ئېيتتى.

پاكىستاندا بومبا ئورۇنلاشتۇرۇلغان موتوسىكلىتنىڭ پارتلىشى نەتىجىسىدە، ئىككى كىشى جېنىدىن ئايرىلدى، بەش كىشى يارىلاندى.

خىتاي ئارمىيەسى ئامېرىكا، فىلىپپىن، ياپونىيە ۋە ئاۋستىرالىيە قاتارلىق دۆلەتلەر بىرلەشمە ھەربىي مانېۋىر ئېلىپ بېرىۋاتقان جەنۇبىي دېڭىزدا چارلاش ئېلىپ بارىدىغانلىقىنى ئېلان قىلدى.

خىتاي باش مىنىستىرى لى چياڭ ئامېرىكا مالىيە مىنىستىرى جەنېت يېلىنغا، ئىككى دۆلەت ئوتتۇرىسىدىكى ئىقتىسادىي ۋە سودا مەسىلىلىرىنى، سىياسەت بىلەن خەۋپسىزلىك تېمىسى قىلىش كېرەكلىكىنى بىلدۈردى.

يەمەندە ئىراننىڭ قوللىشى ئاستىدىكى خۇسىيلار، قىزىل دېڭىز، ئومان دېڭىزى ۋە ھىندى ئوكياندا ئەنگلىيە بىلەن ئىسىرائىلىيەنىڭ ئۈچ پاراخوتىغا ھۇجۇم قىلىنغانلىقىنى ئېلان قىلدى.

رۇسىيەنىڭ كونتروللۇقىغا ئۆتۈپ كەتكەن ئۇكرائىنانىڭ زاپورىژيا يادرو ئېلېكتىر ئىستانسىسىغا ئۈچ قېتىم ئۇچقۇ ھۇجۇمى قىلىندى.

7-ئۆكتەبىر (2023) دىن بۇيان جېنىدىن ئايرىلغان پەلەستىنلىكلەرنىڭ سانى 33 مىڭ 200 دىن ئاشتى.

پەلەستىن قارشىلىق كۆرسىتىش ھەرىكىتى ھاماسنىڭ ھەربىي قانىتى ئىززىددىن ئەلقاسسام بىرىگادىسى غەززەدە 14 ئىسرائىلىيە ئەسكىرىنى ئۇجۇقتۇرغانلىقىنى ئېلان قىلدى.

ئىسرائىلىيە قىسىملىرى ئىشغالىيەت ئاستىدىكى غەربىي قىرغاقتا بېسىپ كىرىپ تۇتقۇن قىلىشنى داۋاملاشتۇرماقتا.

ھىزبۇللاھ لىۋاننىڭ ھاۋا تەۋەلىكىگە خىلاپلىق قىلغان ئىسرائىلىيەگە تەۋە ھېرمېس -450 تىپلىق ئۇچقۇچىسىز ئايروپىلاننى ئېتىپ چۈشۈرگەنلىكىنى ئېلان قىلدى.