вухән вируси билән йуқумланғанларниң өлүм хәвипи йуқумланмиғанларға қариғанда йуқири

вухән вируси (Kovid-19) билән йуқумланғанларниң кейинки үч йилда йүрәк кесили, паләч кесәлликлиригә гириптар болуш вә өлүм хәвипиниң, йуқумланмиғанларға қариғанда икки һәссә йуқири болидиғанлиқи ениқланди.

2197415
вухән вируси билән йуқумланғанларниң өлүм хәвипи йуқумланмиғанларға қариғанда йуқири

түркийә авази радийоси хәвири: «Atherosclerosis, Thrombosis, and Vascular Biology» (артерийә қетишиш, қан томур өсмиси вә қан томур биологийәси) журнили җәнубий калифорнийә универстети, калифорнийә универстети вә охайо иштатидики лернер тәтқиқат иниститути алимлириниң тәтқиқат доклатини елан қилди.

тәтқиқат доклатида билдүрүлишичә, алимлар әнглийәдики бийобаңк (Biobank) намлиқ бийомедикал санлиқ мәлумат амбиридики тәхминән 250 миң адәмниң саламәтлик архипини тәкшүргән.

алимлар 2020-йили вухән вируси билән йуқумланғанларниң архипи билән охшаш вақитта йуқумланмиған 222 миңдин артуқ адәмниң архипини селиштуруп чиққан болуп, 2020-йили вухән вируси ваксинаси чиқиштин илгири 11 миңдин артуқ адәмниң йуқумланғанлиқини қәйт қилған.

алимлар вухән вируси билән йуқумланған 11 миңдин артуқ адәмниң ичидә тәхминән 3 миңдин артуқиниң дохтурханиларда балнистқа елинғанлиқини, буларниң вирус билән йуқумланмиғанларға селиштурулғанда йүрәк кесили, паләч кесәлликлиригә гириптар болуш вә өлүм хәвипиниң, йуқумланмиғанларға қариғанда икки һәссә йуқири болғанлиқини байқиған.

алимлар вирус билән йуқумланған вә бу сәвәбтин дохтурханиларда даваланғанларниң йүрәк кесили, паләч кесәлликлиригә гириптар болуш вә өлүм хәвипиниң вақитниң өтүши билән төвәнлимигәнликини, бу кесәлликниң бәдәндики йүрәк қан томур системисиға немә үчүн бундақ узун муддәт тәсир көрситидиғанлиқини һазирчә ениқлийалмиғанлиқлирини оттуриға қойған.



مۇناسىۋەتلىك خەۋەرلەر