شىۋىيېتسارىيەنىڭ زۇرىخ شەھىرىدە ئۈچىنچى نۆۋەتلىك تۈرك كۈلتۈرى فېستىۋالى ئۆتكۈزۈلدى

تۈركىيە ئاۋازى راديوسى خەۋىرى: شىۋېيېتسارىيە تۈرك دىنىي فوندى جەمئىيىتى زۇرىخ شەھىرىنىڭ دىئېلسدورف رايونىدا ئۇيۇشتۇرغان فېستىۋالنىڭ بىرىنچى كۈنىدە ئوسمانلى باربانچى ئەترىتى نومۇر كۆرسەتتى شۇنداقلا ھاجىۋات ۋە قاراگۆز ئويۇنىمۇ كۆرسىتىلدى.

چەت ئەلدىكى تۈركلەر ۋە قېرىنداش خەلقلەر ئىدارىسى (YTB) نىڭ ھەسسە قوشۇشى بىلەن ت ر ت بالىلار قانىلىنىڭ ئەڭ سۆيۈلگەن تېلېۋىزىيە تىياتىرى «رافادان تەيفا» كۆرسىتىلدى، خەلق ئۇسسۇللىرى زىيارەتچىلەرنى شادلىققا چۆمدۈردى.

فېستىۋالغا قاتناشقان تۈركىيەنىڭ زۇرىختىكى باش كونسۇلى ھەسەن ئەمرە ئۇيغۇن ئۆتكەن يىلى (2022) فېستىۋالغا 30 مىڭ كىشىنىڭ قاتناشقانلىقىنى، بۇ يىل بۇ ساننىڭ 40 مىڭدىن ئاشىدىغانلىقىنى بىلدۈردى.

فېستىۋال ئەتە (2023-يىلى 29-ماي) ئۆتكۈزۈلىدىغان پائالىيەتلەر بىلەن ئاخىرلىشىدۇ.