ئافرىقالىق پۇتبول ماھىرى چىرىستىيان ئاتسۇنىڭ جىنازىسى تۈركىيەدىن گاناغا يەتكۈزۈپ بېرىلدى
قاھرامانماراش مەركەزلىك يەر تەۋرەشتە قازا قىلغان ئافرىقالىق پۇتبول ماھىرى چىرىستىيان ئاتسۇنىڭ جىنازىسى گاناغا يەتكۈزۈپ بېرىلدى.
1948557
تۈركىيە ئاۋازى رادىيوسى خەۋىرى: ئاتاكاش ھاتايسپور پۇتبول كوماندىسىنىڭ ئافرىقالىق پۇتبول ماھىرى چىرىستىيان ئاتسۇ قاھرامانماراش مەركەزلىك يەر تەۋرەشتە ھاتاينىڭ ئانتاكيا ناھىيەسىدە ئۆرۈلۈپ چۈشكەن بىنانىڭ خارابىلىقى ئاستىدا جېنىدىن ئايرىلغان بولۇپ، دەپنە مۇراسىمى ئۈچۈن جىنازىسى دۆلىتى گاناغا يەتكۈزۈپ بېرىلدى.
تۈركىيە ھاۋا يوللىرى شىركىتىنىڭ 629 - نومۇرلۇق ئىستانبۇل-ئاكرا ئايروپىلانى چىرىستىيان ئاتسۇنىڭ جەسىتىنى ئېلىپ گانانىڭ پايتەختى ئاكرادىكى كوتوكا خەلقئارا ئايرودۇرۇمىغا قوندى.
ئايرودۇرۇمدا مۇئاۋىن پىرېزىدېنت ماخمۇدۇ باۋمىيادىن باشقا يەنە، مىنىستىرلار، ئائىلىسىدىكىلەر ۋە مەستانىلىرى جىنازىسىنى تاپشۇرۇپ ئېلىپ، دەپنە مۇراسىمى ئۆتكۈزۈلىدىغان مەخسۇس جايغا يۆتكىدى.
