diniy ishlar idarisi bashliqi eli erbash ashqun ongchi rasmus paludangha naraziliq bildürdi

türkiye awazi radiyosi xewiri: eli erbash ijtimaiy alaqe hésabatida hemmeylenni jamelerde quran oqushqa teklip qilip, «quranning dostliri! bamdat namizigha kélinglar!» dégen chaqiriqini hembehirlidi.

eli erbashning chaqiriqi ünüm bérip, memliket miqyasidiki barliq jamelerde kishiler bamdat namizida bir yerge jem boldi.

eli erbash enqere haji bayram weli jameside puqralar bilen birlikte dua qildi we bamdat namizini oqup berdi.

eli erbash jamediki sözide, «dunya xelqi bolush süpitimiz bilen birlikte yashash üchün bir-birimizning étiqadi, kitabi we irqigha hörmet qilishimiz kérek. islam dinining eng muhim prinsiplirining birsi shuki, urushtimu bezi nersilerge dexli-teruz qilinmaydu, bularning beziliri balilar, gunahsizlar, ayallar we ibadexanilardur. oxshimighan étiqadtiki kishilerning muqeddes kitablirimu dexli-teruzgha uchrimaydu» dédi.

eli erbash bille yashashning eng muhim shertlirining biri kishilerning bir-birining étiqadigha, mezheplirige, irqigha we ten renggige hörmet qilishi ikenlikini tekitlep, «dunya xelqi bolush süpitimiz bilen biz bir-birimizning étiqadi, kitabi we irqigha hörmet qilishimiz kérek» dédi we kishilerni qurangha düshmen emes, dost bolushqa chaqirdi.