yehudiy köchmenler 2 pelestinlikni yarilandurup, aptomobiligha ot qoyup berdi

türkiye awazi radiyosi xewiri: ramallahning el mughayir yézisi yerlik kéngishi reisi imin ebu ulya onlighan yehudiy köchmenning ramallahning shimalidiki turmusaya yézisida 5 pelestinlik tash oymichiliq ustisigha  hujum qilghanliqini bildürdi.

ebu ulya yehudiy köchmenlerning hujumida pelestinlik xalid zikning yarilanghanliqini tilgha élip, köchmenlerning yene pelestinliklerge tewe 2 aptomobilgha ot qoyup bergenlikini we köygen aptomobilning igisining yarilanghanliqini éytti.

yehudiy köchmenler ot qoyup bergen aptomobilning igisi pelestinlik muhemmed arif, turmusaya yézisining yénidiki shilo olturaq rayonidin kelgen yehudiy köchmenlerning pelestin hökümitining kontrolluqidiki rayonda uninggha we dostlirigha hujum qilghanliqini bildürdi.

muhemmed arif texminen 60 yehudiy köchmenning hujumigha uchrighanliqini eskertip, yehudiy köchmenlerdin birsining qurulush mashinisigha chiqip deslepte qurulush mashinisigha ziyan salghanliqini, andin ot qoyup bergenlikini  bildürdi.