iran sot mehkimisi amérikani 4 milyard 300 milyon dollar tölemge höküm qildi
iranda bir türküm yadro mutexessislirining öltürülüshige qarita sotqa erz sunulghan bolup, amérika 4 milyard 300 milyon dollar tölemge höküm qilindi.
türkiye awazi radiyosi xewiri: iran oqughuchilar xewer agéntliqi (ISNA) ning xewirige asaslanghanda, iran edliye diwani kishilik hoquq bölümi teripidin élan qilinghan yazma bayanatta, süyiqest bilen öltürülgen yadro mutexessislirining aile-tawabiatlirining amérikagha qarshi sunghan erzi toghrisida uchur bérilgenliki bildürülgen.
bayanatta: «téhran 55-xelq sot mehkimisi öltürülgen bir qisim yadro mutexessislirining aile-tawabiatlirining bezilirining sunghan erzige binaen turghuzulghan déloda, süyiqest bilen öltürüsh jinayiti sadir qilghan israiliyeni xelqara mejburiyitige xilap halda qollap quwwetligen amérika hökümitining 4 milyard 300 milyon dollar maddiy we meniwi tölemge höküm qilinghanliqi bildürüldi.
sotning amérika hökümitige qarshi qanuniy öch élish dairiside élip bérilghanliqi bildürülgen bayanatta yene, amérika sot mehkimilirining her xil bahane-sewebler bilen irangha qarshi hökümlerni chiqarghanliqi hemde téhran hökümitini we bir qisim dölet organliri bilen teshkilatlirini yoq yéride sotlap, tölem töleshke höküm qilghanliqi eskertildi.
bayanatta, iran dölitining immunitét küchige dexli-teruz qilghanliqi üchün iran sot mehkimiliriningmu amérika döliti we emeldarlirigha qarshi her xil heq telep délosi achqanliqi eskertildi.