nigériyede ikki chérkawdin görüge tutup kétilgen 36 kishi üchün tölem telep qilindi

türkiye awazi radiyosi xewiri: rubu qebilisi reisi élisha mari 19 – iyunda motsiklit mingen qoralliq unsurlarning nigériyening kajuru rayonidiki ikki chérkawdin 36 kishini  görüge tutup ketkenlikini we qoyup bérish bedilige 100 milyon nigériye nayra (texminen 4 milyon türk lirasi) tölem telep qilghanliqini bildürdi.

yene bir tereptin, kaduna ölkilik bixeterlik we ichki ishlar komissari samuil aruwan rayonda tutqunlarni qutquzush herikitining dawamlishiwatqanliqini bayan qildi.

qoralliq unsurlarning 19 - iyunda kajuru rayonidiki ikki chérkawgha élip barghan hujumda 3 kishi qaza qilghan we 36 kishi görüge tutup kétilgen idi.

nigériyede görüge adem tutqun qilish ölüm jazasi bilen jazalinidu, shundaqtimu tölem üchün adem tutup kétidighan weqeler köp yüz bérip türidu.

nigériyede künséri küchiyiwatqan bixeterlik mesilisige qarshi küresh dairiside görüge tutup kétilgenler üchün tölem tölesh cheklengen idi.