27.01.2022
bügünki türkiye gézitliride asasiy salmaqni igiligen xewerlirimiz töwendikiche:
«‹xewer türk› géziti», «putin bilen zélénskini türkiyege teklip qilalaymiz» serlewhilik xewiride, jumhur reis rejep tayyip erdoghanning bir xususiy téléwiziye qaniligha bergen bayanatida: «biz rusiye bilen ukraina otturisidiki jiddiylikning yéngi krizisqa aylinishini xalimaymiz. buning üchün qolimizdin kélidighinini qilishqa teyyar ikenlikimizni yétmaqchimiz. men buni (rusiye pirézidénti wiladimir) putin we (ukraina pirézidénti wiladimir) zélénskigha yetküzdüm. méningche her ikki dölet türkiyening semimiyliki we yaxshi niyitini bilidu. biz ikki döletni türkiyede kütüwilip, tinchliq üchün yol achalaymiz» dégenlikini yazdi.
«‹yéngi shepeq› géziti», «faxrettin altun <500 ming süriyelik öz dölitige qaytti> dédi» serlewhilik xewiride, jumhur reislik uchur – alaqe idarisi bashliqi faxrettin altunning «türkiye rayonning tinchliqi, bixeterliki we muqimliqigha töhpe qoshiwatidu, süriyelik panahlanghuchilardin 500 mingdin köpreki türkiyening tirishchanliqi bilen öz dölitige qaytti» dégenlikini yazdi.
«‹sabah› géziti», «türk doxturining pexirlik xizmiti» serlewhilik xewiride, amérika jékson tejribixanisi institutining asasliq tetqiqatchisi bolup ishlewatqan proféssor doktor derya unutmazning kowid-19 ning barliq waiyantlirigha qarshi ünümlük yéngi bir dawalash usulini tetqiq qiliwatqanliqini we netijisining ijabiy bolghanliqini yazdi.
«‹höriyet› géziti», «éléktronluq aptomobil magnatliri nezirini türkiyege qaratti» serlewhilik xewiride, tok qachilash ponkitlirining keng omumlishishi netijiside, 2021-yilida türkiyede éléktronluq aptomobil bazirining %237 ashqanliqini we bu ehwalning éléktronluq aptomobil magnatlirining diqqitini qozghighanliqini, tésla, m g we jaguar qatarliq dunyawi markilarning türkiye bazirigha kirgenlikini yazdi.
«‹star› géziti», «türkiyening yanfon süniy hemrahi «Grizu-263A» ning hékayisi filimgha élindi» serlewhilik xewiride, zongghuldaq bulent jewit unwérsititi alem qatnishi guruppisi «Grizu-263» teripidin ishlechiqirilghan we 13 – yanwarda alem boshluqigha qoyup bérilgen türkiyening yanfon süniy hemrahi «Grizu-263A» ning hékayisini mezmun qilghan qisqa filim teyyarlanghanliqini yazdi.
