27.01.2022

бүгүнки түркийә гезитлиридә асасий салмақни игилигән хәвәрлиримиз төвәндикичә:

1769283
27.01.2022

«‹хәвәр түрк› гезити»,  «путин билән зеленскини түркийәгә тәклип қилалаймиз» сәрләвһилик хәвиридә, җумһур рәис рәҗәп таййип әрдоғанниң бир хусусий телевизийә қанилиға бәргән байанатида: «биз русийә билән украина оттурисидики җиддийликниң йеңи кризисқа айлинишини халимаймиз. буниң үчүн қолимиздин келидиғинини қилишқа тәййар икәнликимизни йетмақчимиз. мән буни (русийә пирезиденти виладимир) путин вә (украина пирезиденти виладимир) зеленскиға йәткүздүм. мениңчә һәр икки дөләт түркийәниң сәмимийлики вә йахши нийитини билиду. биз икки дөләтни түркийәдә күтүвилип, тинчлиқ үчүн йол ачалаймиз» дегәнликини йазди.

«‹йеңи шәпәқ› гезити», «фахрәттин алтун <500 миң сүрийәлик өз дөлитигә қайтти> деди» сәрләвһилик хәвиридә, җумһур рәислик учур – алақә идариси башлиқи фахрәттин алтунниң «түркийә районниң тинчлиқи, бихәтәрлики вә муқимлиқиға төһпә қошиватиду, сүрийәлик панаһланғучилардин 500 миңдин көпрәки түркийәниң тиришчанлиқи билән өз дөлитигә қайтти» дегәнликини йазди.  

«‹сабаһ› гезити», «түрк дохтуриниң пәхирлик хизмити» сәрләвһилик хәвиридә, америка җексон тәҗрибиханиси институтиниң асаслиқ тәтқиқатчиси болуп ишләватқан профессор доктор дәрйа унутмазниң ковид-19 ниң барлиқ ваийантлириға қарши үнүмлүк йеңи бир давалаш усулини тәтқиқ қиливатқанлиқини вә нәтиҗисиниң иҗабий болғанлиқини йазди.

«‹һөрийәт› гезити», «електронлуқ аптомобил магнатлири нәзирини түркийәгә қаратти» сәрләвһилик хәвиридә, ток қачилаш понкитлириниң кәң омумлишиши нәтиҗисидә, 2021-йилида түркийәдә електронлуқ аптомобил базириниң %237 ашқанлиқини вә бу әһвалниң електронлуқ аптомобил магнатлириниң диққитини қозғиғанлиқини, тесла, м г вә җагуар қатарлиқ дунйави маркиларниң түркийә базириға киргәнликини йазди.

«‹стар› гезити», «түркийәниң йанфон сүний һәмраһи «Grizu-263A» ниң һекайиси филимға елинди» сәрләвһилик хәвиридә, зоңғулдақ буләнт җәвит унверситити аләм қатниши гурупписи «Grizu-263» тәрипидин  ишләчиқирилған вә 13 – йанварда аләм бошлуқиға қойуп берилгән түркийәниң йанфон сүний һәмраһи «Grizu-263A» ниң һекайисини мәзмун қилған қисқа филим тәййарланғанлиқини йазди.



مۇناسىۋەتلىك خەۋەرلەر