23.11.2022

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1767294
23.11.2022

түркийә авази радийоси: «‹хәбәр түрк› гезити», «варанк: <түркийә 2021-йили санаәт мүлкийәт һоқуқи илтимаси вә тизимлашта иҗабий пәрқләнди> деди» сәрләвһилик хәвиридә, санаәт вә техника министири мустафа варанкниң: «2021-йили давамлишиватқан ковид-19 йуқумиға қаримастин, йәрлик илтимас вә тизимға алдуруш нисбитиниң көпийиши билән нурғун дөләтләргә селиштурғанда иҗабий нуқтидин пәрқлиништә мувәппәқийәт қазандуқ. алдинқи йили 352 җуғрапийәлик ишарәтни тизимға алдуруш билән, омумий тизимға алдурулған сан 990 ға йәтти. һазир йавропа иттипақида тизимланған 7 җуғрапийәлик ишаритимиз бар» дегәнликини йазди

«‹һөрийәт› гезити», «байрақтар ақинҗи тиһаниң тунҗи екиспорт тохтами имзаланди» сәрләвһилик хәвиридә, җумһур рәислик дөләт мудапиә санаити идариси башлиқи исмаил дәмирниң байрақтар ақинҗи тиһа (учқучисиз һуҗумчи айропилан) ниң тунҗи експорт тохтаминиң имзаланғанлиқини елан қилғанлиқини йазди.

«‹йеңи шәпәқ› гезити», «америкада 1 милйон долларлиқ хамчотқа игә нопузлуқ орундуққа түрк дохтур тәйинләнди» сәрләвһилик хәвиридә, муну учурларға орун аҗратти:

америка арканзас теббий пәнләр унверситити 13-йанварда қулақ, бурун, кекирдәк баш вә бойун оператсийәси рәисликигә түрк дохтур өзләм тулунай уғурни тәйинлиди.

«‹сабаһ› гезити», «<шәрқ тез пойизи>ниң ривайәтләрдикидәк сайаһити дунйа мәтбуатлирида орун алди» сәрләвһилик хәвиридә, фирансийәниң «AFP» хәвәр агентлиқиниң «ривайәтләрдикидәк сайаһәт» сәрләвһиси билән <шәрқ тез пойизи>ни тонуштурғанлиқини, әнглийә мустәқиллиқ гезитиниң болса, «дунйа бойичә әң гүзәл 4 пойиз линийәсиниң бири» дегәнликини «AFP» хәвәр агентлиқиниң хәвирини өз бетигә нәқил қилип ишләткән «Euronews» ториниң, «түркийәниң пайтәхти әнқәрәдин йолға чиқип, анадолуниң боз қирлири вә фират дәрйасиниң йайлақлиридин өтиду!» дегән сөзләрни ишләткәнликини йазди.

«‹сабаһ› гезити», «сайаһәтчиләр түркийәгә сәлдәк ақмақта» сәрләвһилик хәвиридә, муну учурларға орун аҗратти:

түркийә сайаһәт аҗантилири бирлики (TÜRSAB) ниң рәиси фируз бағликайа қар сүпити вә тейилиниш мәйдани ул әслиһәлири билән алаһидә көзгә челиқидиған қар тейилиш мәйданлириниң йеқинқи йиллардин буйан чәтәллик сайаһәтчиләр тәридинму интайин йақтурушқа еришкәнликини билдүрүп: «һазир сетилиш нисбитимиз 2021 – йилидикигә селиштурғанда 2 һәссидин 5 һәссигичә йуқири өрлиди» деди.



مۇناسىۋەتلىك خەۋەرلەر