hürrem sultanning süriti 126 ming fondstérlinggha sétildi

engliyediki talashturup sétish merkizi «Sotheby» da, hurrem sultan (osmanli impératori sulaymanning ayali) ning süriti 126 ming fondstérlinggha sétildi.

1726153
hürrem sultanning süriti 126 ming fondstérlinggha sétildi

türkiye awazi radiyosi xewiri: engliyening paytexti londonda ötküzülgen «islam dunyasi we hindistan seniti» namliq kim artuq sodisida, 1000 yilliq tarixqa ige tarixiy buyumlar, resimler we qolyazmilar sétishqa sunuldi.

13-esirdin qalghan métal eserler, 2 jup almas we zumrettin yasalghan baburiyler közeyniki, altun yalitilghan quran kerim, astronomiyelik eswablar, iranning kichiklitilgen eserliri we polsha gilimi qatarliqlar talashturup sétildi.

kim artuq qilip sétishta, türkiyedin iznik kahishlirimu sétishqa sunulghandin bashqa yene, 16-esirning axirida yaki 17-esirning bashlirida wénitsiyelik ressam titiyanning shagirti teripidin sizilghan hürrem sultanning süritimu orun aldi.

70 ming fondstérling baha bilen sétishqa sunulghan bu eser axirida 100 ming fondstérlinggha sétildi. sétiwalghuchi resim toplash heqqini qoshqanda 126 ming fondstérling töleydu.

heshemetlik sultan sulaymanning qizi méhrima sultanning ikki parche süritidin birisimu komissiye heqqiini qoshqanda 13 ming 860 fondstérlinggha, yene biri 17 ming 600 fondstérlinggha sétildi. heshemetlik sultan sulaymanning süriti bolsa 11 ming 340 fondstérlinggha sétildi.



مۇناسىۋەتلىك خەۋەرلەر