һүррәм султанниң сүрити 126 миң фондстерлиңға сетилди

әнглийәдики талаштуруп сетиш мәркизи «Sotheby» да, һуррәм султан (османли императори сулайманниң айали) ниң сүрити 126 миң фондстерлиңға сетилди.

1726153
һүррәм султанниң сүрити 126 миң фондстерлиңға сетилди

түркийә авази радийоси хәвири: әнглийәниң пайтәхти лондонда өткүзүлгән «ислам дунйаси вә һиндистан сәнити» намлиқ ким артуқ содисида, 1000 йиллиқ тарихқа игә тарихий буйумлар, рәсимләр вә қолйазмилар сетишқа сунулди.

13-әсирдин қалған метал әсәрләр, 2 җуп алмас вә зумрәттин йасалған бабурийләр көзәйники, алтун йалитилған қуран кәрим, астрономийәлик әсваблар, иранниң кичиклитилгән әсәрлири вә полша гилими қатарлиқлар талаштуруп сетилди.

ким артуқ қилип сетишта, түркийәдин изник каһишлириму сетишқа сунулғандин башқа йәнә, 16-әсирниң ахирида йаки 17-әсирниң башлирида венитсийәлик рәссам титийанниң шагирти тәрипидин сизилған һүррәм султанниң сүритиму орун алди.

70 миң фондстерлиң баһа билән сетишқа сунулған бу әсәр ахирида 100 миң фондстерлиңға сетилди. сетивалғучи рәсим топлаш һәққини қошқанда 126 миң фондстерлиң төләйду.

һәшәмәтлик султан сулайманниң қизи меһрима султанниң икки парчә сүритидин бирисиму комиссийә һәққиини қошқанда 13 миң 860 фондстерлиңға, йәнә бири 17 миң 600 фондстерлиңға сетилди. һәшәмәтлик султан сулайманниң сүрити болса 11 миң 340 фондстерлиңға сетилди.



مۇناسىۋەتلىك خەۋەرلەر