28.10.2021

«‹sabah› géziti»,  «erdoghan fethullahchilargha qarshi küreshte chadning qollishini untup qalmaymiz> dédi» serlewhilik xewiride, munu uchurlargha orun ajratti:

jumhur reis rejep tayyip erdoghan tünügün paytext enqerede chadning ötkünchi pirézidénti mahamat idris itno bilen ötküzülgen uchrishishidin kéyin birleshme muxbirlarni kütüwélish yighinida, «biz chad bilen bolghan soda munasiwitimizni chongqurlashturushni meqset qilimiz. nishanimiz soda miqdarini 200 milyon dollargha yetküzüshtur. chadning fethullahchi térrorluq teshkilatigha qarshi küreshte qollighanliqini untup qalmaymiz» dédi.

«‹höriyet› géziti», «türkiye bilen amérika otturisidiki muhim uchrishish» serlewhilik xewiride, jumhur reis bayanatchisi ibrahim kalinning tünügün amérika bixeterlik meslihetchisi jeyk sulliwan bilen téléfonda körüshkenlikini, söhbette özara munasiwet, F-35 we  F-16 mesilisi, yer shari kélimat özgirishi, afghanistan, süriye, liwiye, qarabagh, grétsiye, sherqiy aq déngiz we bashqa rayonlarning yéngi weziyiti muzakire qilinghanliqini yazdi.

«‹weten› géziti», «<Bayraktar TB2 SİHA> gha munasiwetlik tereqqiyat» serlewhilik xewiride, munu uchurlargha orun ajratti:

baykar bayraqtar TB2 ning yene bir döletke ékisport qilinidighanliqi élan qilindi. ékisport qilinidighan yéngi döletning ismi shirketning resmiy tiwittér hésabida élan qilinghan yazma bayanattatilgha élinmidi. «yene bir dölet bilen BayraktarTB2 SİHA éksport toxtami imzaliduq. bu kélishim bilen BayraktarTB2 SİHA éksport qilinghan döletlerning sani 13 ke yetti» déyildi.

«‹yéngi shepeq› géziti», «istanbul ayrodromi yawropadiki eng munewwer ayrodrom bolup tallandi» serlewhilik xewiride, munu uchurlargha orun ajratti:

xelqara ayrodrom kéngishi (ACI) uyushturghan «17-nöwetlik ACI yawropa mukapati» murasimida istanbul ayrodromi «yawropadiki eng munewwer ayrodrom » we «qolayliq ayrodrom» mukapatigha layiq körüldi.

«‹star› géziti»  «yawropadin türkiyege telep éqiwatidu» serlewhilik xewiride, bu yil 10 ayliq mezgilde, türkiyedin 83 döletke 125 milyon dollarliq gül éksport qilinghanliqini, eng köp éksport qilinghan döletlerning gollandiye, engiliye, gérmaniye, özbékistan, ruminiye we bulghariye bolghanliqini yazdi.