28.10.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1726120
28.10.2021

«‹сабаһ› гезити»,  «әрдоған фәтһуллаһчиларға қарши күрәштә чадниң қоллишини унтуп қалмаймиз> деди» сәрләвһилик хәвиридә, муну учурларға орун аҗратти:

җумһур рәис рәҗәп таййип әрдоған түнүгүн пайтәхт әнқәрәдә чадниң өткүнчи пирезиденти маһамат идрис итно билән өткүзүлгән учришишидин кейин бирләшмә мухбирларни күтүвелиш йиғинида, «биз чад билән болған сода мунасивитимизни чоңқурлаштурушни мәқсәт қилимиз. нишанимиз сода миқдарини 200 милйон долларға йәткүзүштур. чадниң фәтһуллаһчи террорлуқ тәшкилатиға қарши күрәштә қоллиғанлиқини унтуп қалмаймиз» деди.

«‹һөрийәт› гезити», «түркийә билән америка оттурисидики муһим учришиш» сәрләвһилик хәвиридә, җумһур рәис байанатчиси ибраһим калинниң түнүгүн америка бихәтәрлик мәслиһәтчиси җәйк сулливан билән телефонда көрүшкәнликини, сөһбәттә өзара мунасивәт, F-35 вә  F-16 мәсилиси, йәр шари келимат өзгириши, афғанистан, сүрийә, ливийә, қарабағ, гретсийә, шәрқий ақ деңиз вә башқа районларниң йеңи вәзийити музакирә қилинғанлиқини йазди.

«‹вәтән› гезити», «<Bayraktar TB2 SİHA> ға мунасивәтлик тәрәққийат» сәрләвһилик хәвиридә, муну учурларға орун аҗратти:

байкар байрақтар TB2 ниң йәнә бир дөләткә екиспорт қилинидиғанлиқи елан қилинди. екиспорт қилинидиған йеңи дөләтниң исми ширкәтниң рәсмий тивиттер һесабида елан қилинған йазма байанаттатилға елинмиди. «йәнә бир дөләт билән BayraktarTB2 SİHA експорт тохтами имзалидуқ. бу келишим билән BayraktarTB2 SİHA експорт қилинған дөләтләрниң сани 13 кә йәтти» дейилди.

«‹йеңи шәпәқ› гезити», «истанбул айродроми йавропадики әң мунәввәр айродром болуп талланди» сәрләвһилик хәвиридә, муну учурларға орун аҗратти:

хәлқара айродром кеңиши (ACI) уйуштурған «17-нөвәтлик ACI йавропа мукапати» мурасимида истанбул айродроми «йавропадики әң мунәввәр айродром » вә «қолайлиқ айродром» мукапатиға лайиқ көрүлди.

«‹стар› гезити»  «йавропадин түркийәгә тәләп еқиватиду» сәрләвһилик хәвиридә, бу йил 10 айлиқ мәзгилдә, түркийәдин 83 дөләткә 125 милйон долларлиқ гүл експорт қилинғанлиқини, әң көп експорт қилинған дөләтләрниң голландийә, әнгилийә, германийә, өзбекистан, руминийә вә булғарийә болғанлиқини йазди.



مۇناسىۋەتلىك خەۋەرلەر