12.08.2021

firansiyening «‹France 24› téléwiziye qanili», firansiye prézidénti émmanuél makronning saghlamliq krizisi üstide toxtilip, «démokratik» usulda bashquruluwatqanliqini éytqanliqini xewer qildi.

firansiyede chiqidighan «‹lé soér›  géziti», bénni namliq  kichik seyyare yersharigha tehditmu? amérika awiatsiye we alem qatnishi idarisi (NASA) hésablashlarni közdin kechürdi. «(bénnu) quyash sistémimizda mewjut bolghan eng xeterlik ikki kichik seyyarilerning biri» dégen xewerge alahide orun berdi.

firansiyede chiqidighan «‹lé mondé›  géziti» aljiriyening shimalida yüz bergen ot apitide 69 kishining qaza qilghanliqini xewer qildi.

iyordaniyede chiqidighan «‹eddustur› géziti», israiliyening 2021-yilining béshidin buyan sherqiy quddusta 81 din artuq binani chéqip tashlighanliqini yazdi.

«‹elqudsul erebi› géziti», israiliye bilen marakeshning paytext  rabatta hemkarliq we kéngishish kélishimi imzalighanliqini xewer qildi.

qatarda chiqidighan «‹errayel qeteriyye› géziti», qatar emiri sheyx tamim bin hamid el sanining yéngi bash elchilerni teyinlesh toghrisidiki qararnamisini élan qilghanliqini xewer qildi.

gérmaniyening «‹Bild.de› xewerler tori», bérlindiki jasusluq yérikchiliki délosida, engliyening bérlinda turushluq elchixanisi xadimining rusiyege jasusluq qilish jinayiti bilen qolgha élinghanliqini xewer qildi.

gérmaniyening «‹Handelsblatt.de› xewerler tori»,  dunyadiki eng chong port ningboning taqalghanliqini, shangxey shehirige yéqin bu portning tajisiman wirusi bilen yuqumlanghan bir xizmetchi sewebidin taqilip qalghanliqini we teminlesh zenjirining xeter ichide ikenlikini xewer qildi.

ispaniyede chiqidighan «‹La Vanguardia› géziti», ispaniyening özi ishlepchiqarghan kowid-19 waksinisini sinaq qilishqa ruxset qilghanliqini xewer qildi.

argéntinada chiqidighan «‹ Infobae › géziti», afghanistan heqqide, talibanning 9 sheher merkizini kontrolluqigha kirgüzüwalghandin kéyin, bir ay ichide paytext kabulni yétim qaldurup, 90 kün ichide hakimiyetni qoligha alalishi mumkinlikini xewer qildi.

wénézuélada chiqidighan «‹télésur› géziti», haytidiki chong saylamning 7-noyabirgha kéchiktürülgenlikini xewer qildi.

rusiyening «‹TASS› agéntliqi, 13  sayahetchi we üch xadimi  bilen yolgha chiqqan Mi-8 tipliq tik ucharning kamchatkada yerge qattiq urulup qonghanliqini xewer qildi.

rusiyening «kommérsant géziti», chéxning rosiyening mudapie mehsulatlirini eng köp import qilghuchi döletke aylanghanliqini xewer qildi.

rusiyening «izwéstiya géziti», rusiye fédératsiyesi jiddiy haletler ministiri yéwgéni zinichéwning pirézidént wiladimir putinning körsetmisi bilen yaqutistandiki orman ot apiti rayonigha barghanliqini xewer qildi.