erdoghan «qurban hyét» munasiwiti bilen bayanat élan qildi

türkiye awazi radiyosi xewiri: jumhur reis erdoghan, «qurban hyét» munasiwiti bilen élan qilghan bayanatida, barliq türkiye puqralirini «kowid – 19» waksinasi xizmitidin behrimen bolushqa chaqirish bilen bir waqitta, türkiyening bu yil «kowid – 19» yuqumini közge körünerlik derijide kontrol astigha alghan, kündilik hayatni normallashturush yolida türlük qedemlerni tashlighan bir dölet bolush süpiti bilen, «qurban hyét» ni téximu yaxshi sharaitlar astida kütüwélishqa teyyarliniwatqanliqini, jümlidin türkiyening, waksina emleshte, dunya boyiche ottuiche nahayiti yaxshi sewiyede ikenlikini, waksina bilen teminleshte héchqandaq qiyinchiliqning yoqluqini, yerlik waksinaning bu yilning axirlirighiche ishlitilishke teyyar haletke keltürüshni ümid qilidighanliqini tekitlep mundaq dédi: «barliq puqralirimizni, jümlidin, 18 yashtin chong barliq xelqimizni  waksina xizmitidin behrimen bolushqa chaqirimen. waksina emlesh arqiliq yuqum, yuqumlanghuchilar we qaza qilghuchilar sanida qolgha keltürülgen ilgirleshler, shexslerning salametliki, xelqning ümidi we döletning nishani jehettin nahayiti zor ehmiyetke ige.»

türkiye jumhuriyiti dölitining barliq imkaniyetlirini, 84 milyon xelqning xizmitige sunuwatqanliqini eskertken jumhur reis erdoghan, mundaq dep körsetti: «türkiyening rayonida we dunyada künséri küchiyiwatqan qudriti élip kelgen ishench, muqimliq, tinchliq we ümid muhitida qetiylik bilen nishanimizgha qarap ilgirilewatimiz.»

erdoghan, sözlirini barliq türkiye puqralirining «qurban hyét» ini tebriklesh bilen axirlashturdi.