«қәдир кечиси» бүгүн идрак қилиниду

ислам динида рамизанниң 27 – кечисигә тоғра келидиған вә қуран кәримдә «(шәрәп вә пәзиләттә) миң айдин артуқ» икәнлики билдүрүлгән «қәдир кечиси» бүгүн идрак қилиниду.

1636527
«қәдир кечиси» бүгүн идрак қилиниду

түркийә авази радийоси хәвири: қуран кәрим назил қилинишқа башланған «қәдир кечиси», «көкләрниң ишиклири ечилидиған, дуа вә төвбиләр қобул қилинидиған муқәддәс кечә» сүпитидә қобул қилиниду.

«ковид – 19» йуқуми тәдбирлири даирисидә җамәләрдә аммиви ибадәт вә паалийәтләр чәкләнгәнлики үчүн, «қәдир кечиси», өйләрдә ибадәт вә дуа арқилиқ идрак қилиниду.

түркийә диний ишлар идарисиниң башлиқи әли әрбаш, «қәдир кечиси» мунасивити билән елан қилған байанатида, мундақ деди: «бу кечә, сәмимий төвбилиримиз арқилиқ рәббимизгә йүзлинип, ғәпләт ичидә өткүзгән күнлиримиз үчүн аллаһ тааладин истиғпар тәләп қилайли, бу пурсәтни ғәниймәт билип, қулчилиқ вә таәт – ибадәткә сәл қариған нуқсанлиримиз үчүн рәббимиздин кәчүрүм сорайли.»

у, исраилийәниң түнүгүн кәчтә мәсҗиди әқсадики һуҗумлири тоғрилиқму тохтилип мундақ деди: «мәсилини һәл қилишниң бирдинбир чариси, пүткүл мусулманларниң бир йәргә җәм болуп, әң күчлүк шәкилдә қуддусқа саһиб чиқиши, зулум - ситәм вә ишғалниң алдини елишидур. чүнки, мәсҗиди әқсаға һуҗум қилған залимлар, ислам үммитиниң чечилаңғулуқидин җасарәт алмақта.»



مۇناسىۋەتلىك خەۋەرلەر