türk téléwiziye tiyatirliri rusiyede körürmenlerning qizghin alqishigha érishmekte

türk téléwiziye tiyatirliri körürmenlerning qizghin alqishigha érishiwatqan döletlerning béshida rusiye kélidu.

1568910
türk téléwiziye tiyatirliri rusiyede körürmenlerning qizghin alqishigha érishmekte

türkiye awazi radiyosi xewiri:  t r t ning dunyaning herqaysi jaylirida rékortni buzup tashlighan «tirilish ertughrul» namliq téléwiziye tiyatiri, bolupmu rusiyediki musulmanlarning qizghin alqishigha érishmekte.

rusiyening «<riya nowosti> agéntliqi», türk téléwiziye tiyatirlirining körürmenlerning qizghin alqishigha érishishi heqqide bir analiz élan qildi.

«türk téléwiziye tiyatirlirining körkem  yüz yili» serlewhilik analizda, bu téléwiziye tiyatirlirining dunyaning herqaysi jayliridiki muweppeqiyetliri maxtaldi.

«türkler émmiy mukapatlirigha érishken layihelerni ishqa ashurmaqta» déyilgen analizda, rusiye we dunyaning herqaysi jaylirida qoyuluwatqan téléwiziye tiyatirliri heqqide yekün chiqirildi.

analizda, türkiyening medeniyet saheside yéqinqi yillardiki téléwiziye tiyatirliri ishlepchiqirishta amérika qoshma ishtatliridin qalsa ikkinchi orunda turidighanliqi tekitlinip mundaq déyildi: «türk téléwiziye tiyatirlirini gherbningkidin perqlendüridighan eng chong alahidiliki bolsa, muhapizikar mezmunlarni öz ichige élishidur.»

téléwiziye tiyatirlirining yaqturup körülüshide jumhur reis rejep tayyip erdoghanning obraziningmu hessisi barliqi eskertilgen analizda, türk téléwiziye tiyatirlirining yüzdin artuq dölette qoyulushqa bashlighanliqi, buning türkiyening iqtisadigha qoshqan töhpisining 500 milyon dollargha yétidighanliqi qeyt qilindi.

analizda yene, türk téléwiziye tiyatirlirining körürmenlerning qizghin alqishigha érishishigha egiship, xelqaraliq téléwiziye tiyatirliri we filim saheliriningmu türk téléwiziye tiyatirlirigha téximu keng orun ajritishqa bashlighanliqi tekitlendi.



مۇناسىۋەتلىك خەۋەرلەر