altun: BİP we YAAY pirogrammilirigha bolghan mayilliqning éshishi nahayiti muhim

jumhur reislik sariyi uchur - alaqe ishliri idarisining bashliqi fahrettin altun  shexsiy sanliq melumatlar mesilisidiki qosh ölchemler aldida BİP we YAAY qatarliq milliy pirogrammilargha bolghan mayilliqning éshishining nahayiti muhimliqini éytti.

1566778
altun: BİP we YAAY pirogrammilirigha bolghan mayilliqning éshishi nahayiti muhim

türkiye awazi radiyosi xewiri: jumhur reislik sariyi uchur – alaqe ishliri idarisining bildürüshiche, türkiye yashlar fondi teripidin yawropada yashawatqan türk yashlargha qarita ishqa kirishtürülgen «digital dewrde médiya sawatliri» layihesini tonushturush yighini, jumhur reislik sariyi uchur - alaqe ishliri idarisining bashliqi fahrettin altunning ishtirak qilishida chaqirildi.

altun, widéo konférans wasitisi arqiliq chaqirilghan yighinda, yéqinqi yillarda, siyasiy, herbiy, iqtisadiy we insaniy küchi künséri zoriyiwatqan türkiyening, oxshash waqitta bir qisim yaman gherezlik küchlerning obrazigha ziyan yetküzüsh urushigha duch kéliwatqanliqini qeyt qildi.

türkiye qetiy irade bilen algha ilgiriligenséri, yaman gherezlik küchlerning enqerening küchini xoritish urushining dawami süpitide türkiyening yer shari xaraktérlik obrazigha ziyan yetküzüsh paaliyetliriningmu tézlik bilen köpiyiwatqanliqini éytqan altun, türkiyening étibarigha ziyan yetküzüsh nishan qilinghan hujumlarning muhim bir qismining,  kilassik shekilde yaki digital axbarat wasitiliri arqiliq élip bériliwatqanliqini eskertti.

altun, bir chet el pirogrammisi (WhatsApp) ning «ishletküchining uchurini hembehirlesh» qararidin kéyin, shexsiy sanliq melumatlarni qoghdash komitétining, bu pirogramma üstidin, chet elge sanliq melumatlarni yollash we asasiy prinsiplar jehettin tekshürüsh bashlatqanliqini tekitlep mundaq dédi: «shexsiy sanliq melumatlarni qoghdashqa bolghan tonushining éshishigha egiship, milliy téxnologiyelerni tereqqiy qildurush we qollinishningmu nahayiti muhimliqi téximu yaxshi aydinglashti. shexsiy sanliq melumatlar mesilisidiki qosh ölchemler aldida BİP we YAAY qatarliq milliy pirogrammilargha bolghan mayilliqning éshishi nahayiti zor ehmiyetke ige.»



مۇناسىۋەتلىك خەۋەرلەر