imran xan yunus emre téléwiziye tiyatirini körüshni tewsiye qildi

pakistan bash ministiri imran xan sopizmgha qiziqidighanlargha yunus emre téléwiziye tiyatirini körüshni tewsiye qildi.

1538035
imran xan yunus emre téléwiziye tiyatirini körüshni tewsiye qildi

türkiye awazi radiyosi xewiri: imran xan tiwittérda pakistan dölet téléwiziyesi (PTV) teripidin orduche awaz bérilip tarqitilishqa bashlanghan «yunus emre: ishq yoluchisi» namliq türkiye téléwiziye tiyatiri heqqide uchur hembehirlidi.

imran xan tiwittérdiki uchurida, «PTV da tarqitiliwatqan «yunus emre» téléwiziye tiyatirini sopizimgha qiziqidighanlargha küchlük tewsiye qilimen» dédi.

pakistan dölet téléwiziyesi (PTV) da «yunus emre» téléwiziye tiyatiri her düshenbe we seyshenbe künliri shu yerning waqti saet 19:00  da bir bölümdin tarqitiliwatqanliqi élan qilindi.

pakistan parlaménti uchur we alaqe komitéti bashliqi faysel jawid xanmu bash ministir imran xanning «tirilish ertughrul» din kéyin «yunus emre: ishq yoluchisi» ning pakistan dölet téléwiziyesi (PTV) da tarqitilishini telep qilghanliqini eskertti.

pakistanda ötken ramizan éyida tarqitishqa bashlanghan «tirilish ertughrul yürüshlük filimi» zor qiziqishqa érishken bolup, «YouTube» diki «TRT Ertugrul by PTV» qanilining abont sani 10 milyondin éship ketken idi.


خەتكۈچ: #pakistan , #imran xan

مۇناسىۋەتلىك خەۋەرلەر