б д т һәр йили 18 - нойабирни «хәлқара ислам сәнәт күни» елан қилди

б д т маарип, илим-пән вә мәдәнийәт тәшкилати «UNESCO» һәр йили 18 - нойабирни «хәлқара ислам сәнәт күни» елан қилди.

1530406
б д т һәр йили 18 - нойабирни «хәлқара ислам сәнәт күни» елан қилди

түркийә авази радийоси хәвири:  б д т маарип, илим-пән вә мәдәнийәт тәшкилати «UNESCO» тәрипидин елан қилинған йазма байанатта, 40 - нөвәтлик омумий йиғинда мақулланған қарарға бинаән, һәр йили 18 - нойабирниң «хәлқара ислам сәнәт күни» сүпитидә тәбриклинидиғанлиқи, бүгүнки күндә ислам дининиң сәнәт саһәси вә ислам сәнити арқилиқ мәдәнийәткә қошқан төһписи һәққидә тонушни ашуруш нишан қилинғанлиқи билдүрүлди.

«хәлқара ислам сәнәт күни» ниң башқа сәнәт һәрикәтлиригә илһам беридиғанлиқи вә мәдәнийәтләр ара йеқинлишишни риғбәтләндүридиғанлиқи илгири сүрүлүп, ислам сәнитиниң зор қизиқиш қозғайдиғанлиқи уқтурулған байанатта йәнә, дунйа миқйасида 18-нойабирниң тәбриклинишиниң күлтүр көп хиллиқиға, пикир әркинликигә, мәдәнийәт мираслириға вә мәдәнийәтләр ара алақигә төһпә қошидиғанлиқи тәкитләнди.

байанатта, б д т маарип, илим-пән вә мәдәнийәт тәшкилати «UNESCO» ниң һәммәйләнни «хәлқара ислам сәнәт күни» гә төһпә қошушқа чақирғанлиқи җакарланди.

б д т маарип, илим-пән вә мәдәнийәт тәшкилати «UNESCO»ниң баш дериктори авдрей азулайму байанатида, ислам сәнитиниң давамлиқ өзини йеңилап, дунйадики башқа барлиқ күлтүрләргә тәсир көрситишни давамлаштуруп кәлгәнликини тәкитлиди.

авдрей азулай «хәлқара ислам сәнәт күни» ниң 14 - әсирдә тарқалған бу пәвқуладдә мирасни тәбрикләш үчүн елан қиилғанлиқини әскәртип, ислам сәнәт тарихиниң техиму йахши тонулиши керәкликини тәкитлиди.



مۇناسىۋەتلىك خەۋەرلەر