firansiyelik ataqliq uchar adem dubeydiki meshiq jeryanida qaza qildi
asmanda yelke rakétasi we karbon tala qaniti bilen akrobat numurliri körsitidighan firansiyelik winsént réfét dubeydiki meshiq jeryanida qaza qildi.
türkiye awazi radiyosi xewiri: «BBC» ning xewirige asaslanghanda, «jétmen dubey shirkiti» 36 yashliq réfétning dubeydiki meshiq jeryanida qaza qilghanliqini élan qilghan.
shirketning bayanatida, «wins talantliq tenheriketchi idi, komandimizning eng yaxshi körilidighan we hörmetke sazawer ezasi idi. bizning dualirimiz uning ailisidikiler bilen bille. uni tonuydighanlar we uning xizmetdashliri bilen bille» déyildi.
«hawa ghewwasi» réfét kespiy hayatida dunyadiki eng égiz bina «burj xelife»din parashot bilen sekreshni öz ichige alghan bir qanche xeterlik uchush numurlirini körsetken idi.
réfét shiwéyétsariyelik uchquchi yiwés rossiy qurghan «Jetman» dubey shirkiti bilen élip barghan uchushliri arqiliq dangq chiqarghan idi.
yiwés rossiy uchush üchün layiheligen üsküniler akrobatlarning asmanda saitige 402 kilométirliq süret bilen uchushigha sharait hazirlap bergen idi.
