«бир милләт, икки дөләт» намлиқ тор хәйр-сахавәт сәпәрвәрлики башланди

түркийәлик вә әзәрбәйҗанлиқ рәссамлар билән һәйкәлтирашларниң әсәрлиридин тәшкил тапқан «бир милләт, икки дөләт» намлиқ тор хәйр-сахавәт сәпәрвәрлики башланди.

1527981
«бир милләт, икки дөләт» намлиқ тор хәйр-сахавәт сәпәрвәрлики башланди

түркийә авази радийоси хәвири: бу паалийәттин киргән кирим әзәрбәйҗан қораллиқ қисимлириниң йардәм фондиға йатқузилиду вә тағлиқ қарабағни әрменийә ишғалийитидин қутулдуруш һәрикитидә шеһит вә ғази болған әзәрбәйҗанлиқ әскәрләрниң аилә-тавабиатлириға шундақла урушта зийанға учриған пуқраларға йардәм қилиниду.

җәмий 86 рәссамниң 140 парчә әсирини өз ичигә алған бу паалийәт 22 - нойабирғичә давамлишиду.

йәдитәпә университети гүзәл-сәнәт факултетидики академик профессор доктор теймур ризайев  билән биләҗик шәйх әдәбали университети гүзәл-сәнәт факултети оқутқучиси әлчин мустафайев тәрипидин башлитилған сәпәрвәрликтики әсәрләрни «karabagazerbaycandır_art» намлиқ фесбук вә инстеграм адреслирида  көргили болиду.

паалийәткә әсәрлири қатнаштурулған сәнәткарлар ичидә  түрк рәсим сәнитиниң атақлиқ шәхслиридин дәврим әрбил, өздәмир алтан, фәвзи каракоч, маһир гүвән, рәсул айтемур вә йалчин қарайағиз, шундақла әзәрбәйҗан сәнәткарлиридин зийад султанов, садиқ бабайев, пәрван әлизадә вә ләтафәт маммәдова қатарлиқларму бар.

 



مۇناسىۋەتلىك خەۋەرلەر