aya sofiya jamesining 24 – iyulda ibadetke échilish teyyarliqi dawamlashmaqta
aya sofiya jamesi, aridin 86 yil ötkendin kéyin 24 - iyul quran tilawiti bilen ibadetka échiwétilidu.
türkiye awazi radiyosi xewiri: axirqi teyyarliqlar dawamlishiwatqan jamening ichige yuqumlinishning aldini élish tedbirliri süpitide, cheklik sandiki kishilerning kirishige ruxset qilinidu.
24 - iyul ibadetke échiwétilidighan ayasofya jamesining etrapida bixeterlik tedbirliri bügündin étibaren yuqiri pellige chiqirilidu. aldi teripi polat tosaqlar bilen tosilidu, sultan ehmed meydanigha kirish yollirining hemmisi taqilidu.
saqchilar teripidin izdesh - tekshürüsh nuqtiliri qurilidu. meydanda 17 ming saqchi xizmet qilidu we sehiye nuqtilirimu békitilidu.
jamediki tash tizmilar we teswirler kino ékranigha oxshaydighan yelkenlik perde sistémisi bilen yépilidu.
aya sofiya jamesining ichidiki körünüshler sirtqa orunlashturulghan chong ékranda körsitilidu.
aya sofiya jamesi meydani, sultan ehmed meydani we mehmet akif érsoy baghchisida 500 kishilik guruppilar sheklide namaz oqulishigha ruxset qilinidu.
aya sofiya jamesige kelgen yerlik we chetellik ziyaretchiler jamening aldida xatire süretke chüshmekte.
