51 musulmanning qatili térrorchi tarant sotta özini özi aqlaydighan boldi
yéngi zélandiyening kristchorch shehiridiki 2 meschitke qilghan qoralliq hujumida, 51 kishini öltürgen we 49 kishini yarilandurghan térrorchi brénton tarant 24 – awghusttiki sotta özini özi aqlaydu.
türkiye awazi radiyosi xewiri: yéngi zélandiye radiyosining xewirige asalanghanda, kristchorch shehiridiki nur we linwud meschitlirige qarita térorluq hujumi jinayitini étirap qilghan térorchi tarant bügün etigen tutup turiliwatqan okland türmisidin sin we awazliq ulinish arqiliq sotqa qatniship özini özi aqlaydighanliqini bildürgen.
uning adwokatliri sotta térorchigha wekillik qilish iltimasini qayturuwalghan.
yéngi tiptiki tajisiman wirus kowid-19 yuqumi sewebidin kéchiktürülgen we térrorchining jazasini békitish üchün 3 kün dawamlishishi pilanlanghan sot 24 - awghustta kiristchorch shehiride bashlinidu we zörür tépilghanda waqtini uzartishqimu bolidu.
aq tenliklerning üstünlikini ilgiri süridighan ashqun ongchil térrorchining muddetsiz qamaq jazasigha höküm qilinishi mölcherlenmekte.
térrorchi tarant kiristchorch shehiridiki nur we linwud meschitlirige 2019 - yili 15 - martta jüme namizi esnasida aptomatik qorallar bilen térrorluq hujumi qilghan idi.
yéngi zélandiyede we pütün dunyada qattiq naraziliq peyda qilghan bu hujumda, 1 neper tükiye puqrasini qoshqanda, jemiy 51 kishi öltürülgen we 2 neper türkiye puqrasini qoshqanda. jemiy 49 kishi yarilanghan idi.
