mérsidis irqchiliqqa qarshi qara renglik aptomobil bilen musabiqige chüshidighan boldi
«formula 1» komandisining biri bolghan mérsidis bu musabiqe peslide irqchiliqqa qarshi turush paaliyitining bir qismi süpitide qara renglik aptomobil bilen musabiqigha chüshidighan boldi.
türkiye awazi radiyosi xewiri: mérsidis komandisining bayanatida «qara tenliklerning hayati qimmetliktur» paaliyiti eskertilip, komandining her xil irqchiliq we kemsitishlerke qarshi turup kelgenliki bildürüldi.
bu dairide, komandining 2020 – yilliq musabiqe peslide bezi özgirishlerni qilghanliqi, eneniwi kümüsh rengning ornigha qara renglik aptomobil bilen musabiqige chüshidighanliqi we aptomobilgha «irqchiliqni yoqutung» dégen sözning yézilidighanliqi uqturuldi.
mérsidis shopurliridin léwis xamilton amérikada esli afriqaliq jorj floyidning saqchi teripidin öltürülishidin kéyin, «formula 1» diki irqchiliqqa süküt qilghanlargha naraziliq bildürgen idi.
yéngi tiptiki tajisiman wirus kowid -19 yuqumi sewebidin kéchiktürülgen «formula 1» dunya lewhe talishish musabiqisining birinchi meydani 5 - iyulda awstériyede ötküzülidu.
