алмазбек атамбайев 11 йил 2 айлиқ қамақ җазасиға һөкүм қилинди

қирғизистанда җинайәт тәшкилатиниң рәһбири әзиз батукайевниң қойуп берилишидә җавабкарлиқи болған сабиқ пирезидент алмазбек атамбайев 11 йил 2 айлиқ қамақ җазасиға һөкүм қилинди.

1441621
алмазбек атамбайев 11 йил 2 айлиқ қамақ җазасиға һөкүм қилинди

түркийә авази радийоси хәвири: первомай районлуқ сотниң содийәси әмилбек кайповниң рийасәтчиликидә ечилған сотқа түрмидики атамбайев елип келинмиди, башқа гумандарлар сотқа чиқирилди.

«чириклик тори қурғанлиқи» үчүн қолға елинған атамбайев 11 йил 2 айлиқ қамақ җазасиға һөкүм қилинди.

атамбайевниң мал - мүлүклири мусадирә қилиниши вә барлиқ дөләт мукапатлириниңму қайтуруп елиниши һөкүм қилинди.

қирғизистандики түрмиләрдә күчлүк тәсири билән тонулған вә 16 йиллиқ қамақ җазасиға һөкүм қилинип, 8 йилини түрмидә толдуруп болған әсли чечинийәлик батукайивниң 2013 - йили апрелда қойуп берилиши һәмдә чечинийәгә мәхсус айропилан билән йолға селиниши, хәлқниң наразилиқини қозғиған иди.  

2011 – йилидин 2017 – йилиғичә қирғизистан пирезиденти болған атамбайев 2019 - йили 8 - авғустта сақчилар тәрипидин қолға елинған иди.



مۇناسىۋەتلىك خەۋەرلەر