әрдоған: иқтисадниң чақи толуқ чөргүләшкә башлиди

җумһур рәис рәҗәп таййип әрдоған түркийәниң иқтисадий чақилириниң қайтидин толуқ чөргүләшкә башлиғанлиқини ейтти.

1430721
әрдоған: иқтисадниң чақи толуқ чөргүләшкә башлиди

түркийә авази радийоси хәвири: әрдоған җумһур рәислик сарийида өткүзүлгән, артвин йүсүфели дамбиси 3 милйонлиған бетон қуйуш, байбурт дәмирөзү су қурулуши, ризә мәркәз вә гүнәйсу наһийәлири вә ташлидәрә вадисиниң 5 – бөлүкини ишқа кириштүрүш мурасимида, йүсүфели дамбисиниң тамамән түрк инженерлар тәрипидин лайиһәләнгәнликини тәкитләп мундақ деди: «бу дамда дөлитимизниң иқтисадий тәрәққийатида муһим рол ойнайду. шуни алаһидә тәкитләп өтимәнки, <вухән вируси> ға қарши күрәштә, пилан бойичә нормаллишиш мусаписини сағламлиқ мәсилисини нәзәрдин сақит қиливәтмәстин вә дөлитимизниң алдинқи қатарда туридиған муһим хизмәтлирини ақсатмастин тәңпуңлуқ асасида  тәдриҗий һалда тамамлидуқ. бу сайида, иқтисадимизниң чақилири қайтидин толуқ чөргүләшкә башлиди. маска тақаш, тазилиқ бәлгилимилиригә риайә қилиш асасида күндилик һайатни тезлик билән һәр саһәдә изиға чүшүрүш нишаниға йәттуқ. шу вәҗидин, 16 вилайәттә һәптә ахирлири иҗра қилиниватқан җиддий һаләт буйруқини әмәлдин қалдурдуқ. түркийә санаәт, технологийә, йеза игилик, сода, хизмәт қурулмиси саһәлиридин сирт йәнә, инсаний қариши биләнму қудрәтлик бир дөләт икәнликини йуқум басқучида пүткүл җаһанға намайән қилди, буниңдин кейинму давамлиқ шундақ қилиду.»

игилинишичә, қурулуши тамамланғанда егизлики 275 метирға йетидиған «йүсүфели дамбиси», бу алаһидилики билән, түркийә бойичә әң чоң, дунйа бойичә үчинчи дамба болидикән.



مۇناسىۋەتلىك خەۋەرلەر