түркийәниң америкаға қилған теббий йардәмлири дөләт мәҗлисиниң хатирисигә кирди

түркийәниң «вухән вируси» ға қарши күрәш даирисидә америка қошма штатлириға қилған теббий йардәмлиригә билдүрүлгән миннәтдарлиқ дөләт мәҗлисиниң хатирисигә кирди.

1430561
түркийәниң америкаға қилған теббий йардәмлири дөләт мәҗлисиниң хатирисигә кирди

түркийә авази радийоси хәвири: америка авам палатаси түркийә достлуқ гурупписиниң тәң һоқуқлуқ рәиси җо вилсон, нанси пелоси рийасәтчиликидә чақирилған «авам палатаси омумий кеңиши йиғини» да түркийәгә рәһмәт ейттти, шуниң билән, у, американиң түркийәгә билдүргән миннәтдарлиқини дөләт мәҗлисиниң хатирисигә киришини ишқа ашурди.

у, түркийәниң иттипақдаш дөләт сүпитидә америка қошма иштатлириға икки айропилан билән теббий лазимәтликләр әвәткәнликини тәкитләп мундақ деди: «бу, <вухән вируси> ға қарши күрәштә биз җиддий еһтийаҗлиқ болған бир пәйттә ишқа ашурулған һәмкарлиқ шәклидур. дөләтлиримизниң бирликтә һәрикәт қиливатқанлиқидин интайин хурсәнмән. йәнә бир тәрәптин, дунйадики 50 тин артуқ дөләткә теббий лазимәтликләр вә үскүниләрни әвәткән түркийәни, бу сехийлиқи түпәйли чин дилимдин тәбрикләймән.»

җумһур рәис рәҗәп таййип әрдоғанниң йолйоруқиға асасән, икки айропилан билән, 500 миң маска, 400 миң халат, икки миң летирлиқ дезинфексийә дориси, 500 данә йүзни қоғдаш үскүниси, 400 данә « N95» типлиқ маска вә 1500 данә бихәтәрлик көзәйникидин тәшкил тапқан теббий лазимәтликләр түркийәдин америка қошма иштатлириға әвәтилгәниди.



مۇناسىۋەتلىك خەۋەرلەر