бәзи ғәрб дөләтлиридики йуқум әһвалиға алақидар толуқлима мәлуматлар

дунйа миқйасида «вухән вируси» сәвәбидин қаза қилғанлар сани 399 миңға, йуқумланғанлар сани 6 милйон 889 миңға, сақайғанлар сани 3 милйон 376 миңға йәтти.

1430747
бәзи ғәрб дөләтлиридики йуқум әһвалиға алақидар толуқлима мәлуматлар

түркийә авази радийоси хәвири: америкада һазирғичә йуқум сәвәбидин қаза қилғанлар омумий сани 111 миң 408 гә, йуқумланғучилар сани бир милйон 967 миң 273 кә йәтти.

италийәдә йеқинқи 24 саәт ичидә қаза қилған 85 киши билән қошқанда, йуқум сәвәбидин қаза қилғанлар омумий сани 33 миң 774 кә, йуқумланғучилар сани 234 миң 531 гә йәтти.

фирансийәдә йеқинқи 24 саәт ичидә қаза қилған 46 киши билән қошқанда, йуқум сәвәбидин қаза қилғанлар омумий сани 29 миң 111 гә, йуқумланғучилар сани 190 миң 460 қа йәтти.

фирансийә сәһийә министирлиқи илимий һәйитиниң мәсули җан франсова делфрасиси, йуқумниң дөләт ичидә контрол қилинғанлиқини билдүрди. дөләттә 23 - майдин башлап, җамәләрдә тунҗи қетим аммиви ибадәт қилишқа рухсәт қилинди, аридин тәхминән 3 ай өткәндин кейин, тунҗи җүмә намизи оқулди. пайтәхт парижниң шәһәр әтрапи районлиридин бири болған аргентеулда йашайдиған мусулманлар, диний ишлар түрк-ислам бирлики (DITIB) гә қарашлиқ «мәвлана җамәси» дә, йуқумдин кейин тунҗи җүмә намизи оқуди.

португалийәдә еқинқи 24 саәт ичидә қаза қилған 10 киши билән қошқанда, йуқум сәвәбидин қаза қилғанлар омумий сани 1465 кә, йуқумланғучилар сани 33 миң 969 ға йәтти.  португалийә баш министири антонйо коста, дөләт чегра еғизлири вә  айродурумлардики ташқи линийә учушлириниң 15 – ийундин етибарән ечилидиғанлиқини уқтурди.

йуқумниң латин америкадики мәркизигә айланған вә һазирғичә «вухән вируси» сәвәбидин 34 миң 47 киши қаза қилған биразилийәдә, пирезидент җайр болсонарониң, йуқум сәвәбидин һайатидин айрилғанлар һәққидә қилған «өлүм пүткүл дунйаниң қәдири» тәриқисидики сөзлири қаттиқ наразилиқ қозғиди.

«вухән вируси» сәвәбидин қаза қилғанларниң сани, әнглийәдә 40 миң 465 кә, мексикада 13 миң 170 кә, белгийәдә 9 миң 580 гә, германийәдә 8 миң 763 кә, канадада 7 миң 751 гә, перуда 5 миң 162 гә, еквадорда 3 миң 534 кә, чилида 1448 гә, коломбийәдә 1145 кә йәтти.

һазирғичә пәқәт 22 киши қаза қилған, уда 15 күндин буйан йуқум әһвали көрүлмигән вә «вухән вируси» ниң кәң тарқилип кетишиниң алдини алған йеңи зеландийә, уда 15 күндин буйан йуқумлиниш әһвали көрүлмигәликини, «вухән вируси» ға қарши күрәш тәдбирлириниң 8 – ийундин етибарән бикар қилинидиғанлиқини уқтурди.



مۇناسىۋەتلىك خەۋەرلەر