OPEC 6 – ийун күни йиғин чақириду

нефит експорт қилғучи дөләтләр тәшкилати (OPEC) 6 – ийун күни йиғин чақириду

1430092
OPEC 6 – ийун күни йиғин чақириду

түркийә авази радийоси хәвири: русийәниң «‹TASS› агентлиқи» ниң русийә енергийә министирлиқи даирилирини мәнбә көрситип хәвәр қилишичә, 23 әзадин тәшкил тапқан, «OPEC вә OPEC сиртидики дөләтләр» дәп билинидиған нефит експорт қилғучи дөләтләр тәшкилати вә бу тәшкилаттин сиртқи бир қисим нефит ишләпчиқарғучи дөләтләр 6 – ийун күни арқимуарқа икки йиғин чақиридикән. йиғинларниң асаслиқ күнтәртип маддисини, күндилик хам нефит ишләпчиқириш миқдарини  9.6 милйон варилға төвәнлитиш келишиминиң муддитини ийун ейиниң ахириғичә узартиш мәсилиси тәшкил қилидикән.

OPEC вә OPEC сиртидики нефит експорт қилғучи дөләтләр, ирақ, нигерийә вә қазақистан келишим даирисидә вәдә қилған нефит ишләпчиқириш миқдарини азайтиш бәлгилимилиригә риайә қилмиғанлиқи үчүн, йиғинниң вақти мәсилисидә  бирдәклик һасил қилалмиғаниди.

агентлиқниң хәвиридә, русийә билән сәуди әрәбистанниң келишимниң муддитини узартиш мәсилисидә пүтүшкәнлики илгири сүрүлди.

OPEC вә OPEC сиртидики нефит експорт қилғучи дөләтләрниң 12 – апрел күни чақирилған йиғинида, омумий хам нефит ишләпчиқириш миқдарини 1 – майдин 30 – ийунғичә күндигә 9.7 милйон варилға азайтиш тоғрулуқ қарар мақулланғаниди.



مۇناسىۋەتلىك خەۋەرلەر