«‹Economist› журнили» түркийәниң йуқумға қарши күришигә йуқири баһа бәрди

мәркизи лондонға җайлашқан «‹Economist› журнили» түркийәниң «вухән вируси» ға қарши күрәш пиланиға йуқири баһа бәрди.

1430081
«‹Economist› журнили» түркийәниң йуқумға қарши күришигә йуқири баһа бәрди

түркийә авази радийоси хәвири: журналниң «түркийәниң йуқум мәсилисидә ташлиған тоғра қәдәмлири» сәрләвһилик мақалисидә, әнқәрәниң «вухән вируси» ни көплигән дөләтләргә қариғанда техиму йахши башқурғанлиқи әскәртилиш билән бир вақитта, әнқәрәниң бу һәқтә йолға қойуватқан истиратегийәсиниң ишқа йариғанлиқи, бу сайида өлүм нисбитиниң башқа дөләтләргә қариғанда көзгә көрүнәрлик дәриҗидә төвән сәвийәдә икәнлики, бу һәқтә ишлиниватқан хизмәтләр нәтиҗисидә йуқум мәзгилидә һечқачан дохтурхана йетишмәсликтәк әһвалниң көрүлмигәнлики, түркийәниң қаттиқ карантин астиға елиш тәдбирлиригә қарши чиқип келиватқанлиқи тәкитлинип мундақ дейилди: «түркийә даирилири дөләтниң пүткүл иқтисадий әһвалини паләч һалға чүшүрүп қойушниң орниға, йашанғанлар билән йаш өсмүрләрни өйдә турғузуш, истемалчиларға биваситә хитаб қилидиған ширкәтләр вә карханиларниң ишчи – хизмәтчилиридин башқа һәммә кишини ишқа барғузуш, һәптә ахирлири вә һейт – байрамларда җиддий һаләт бәлгилимисини йолға қойди. бир қисим ички линийә һава қатниши 1 – ийундин етибарән ишқа кириштүрүлди؛ чайханилар, ресторанлар, саһиллар вә бағчилар қайтидин ечилди, бирақ, балилар вә 65 йаштин йуқири пуқраларниң һәптидә бирқанчә саәттин артуқ сиртқа чиқишиға техичә рухсәт берилмиди. қисқиси, түркийә йолға қойуватқан бу истиратегийә ишқа йариғандәк қилиду. бу сайида, йуқумниң әң көп тәсиригә учрашқа тегишлик болғанлар буниңдин сақлинип қалди, көпинчиси ишләш йешиға тошқан чоңлардин тәшкил тапқан йуқумланғучилар асасий җәһәттин сақайди. түркийә синақ нисбитидә фирансийәниң сәвийәсигә йәтти, өлүм нисбитидә болса, (қаза қилғучилар саниниң аз болуши җәһәттин)  әнглийәдин 10 һәссә үстүн орунда туриду.»



مۇناسىۋەتلىك خەۋەرلەر