«muhemmed» gérmaniyede eng köp qoyulghan isim boldi
«muhemmed» gérmaniyening brémén we bérlin ölkiliride aldinqi yili eng köp qoyulghan isim boldi.
türkiye awazi radiyosi xewiri: dölet miqyasida oghul balilargha eng köp qoyulghan isimlar tizimlikide «muhemmed» 21 – qatardin orun aldi.
«gérmaniye til tetqiqat jemiyiti» ning gérmaniyede 2019 – yili tughulghan oghul balilargha qoyulghan isimlargha alaqidar doklatigha asaslanghanda, bérlin ölkiside 2019 – yili tughulghan 21 ming 622 oghul balidin 283 ige «muhemmed» ismi qoyulghan. brémén ölkisidimu bultur tughulghan 5277 oghul balidin 74 ige «muhemmed» ismi qoyulghan bolup, bu ikki ölkide 2019 – yili tughulghan oghul balilargha eng köp «muhemmed» ismi qoyulushi diqqet qozghighan.
buningdin bashqa yene, «muhemmed» ismi eng köp qoyulghan ölkiler arisida héssén ölkisi 3 –, saarland ölkisi 8 – orunda turidiken.
dölet miqyasida oghul balilargha eng köp qoyulghan isimlar arisida «muhemmed» 21 -, «eli» 73- , «malik» 76 – qatardin orun alidiken.
qiz balilargha eng köp qoyulghan isimlar arisida «leyla» 56 -, «amire» 91 -, «elif» 94 – orunda turidiken.
dölet miqyasida 2019 – yili qiz tughulghan balilargha eng köp «hanna», oghul tughulghan balilargha «noah» ismi qoyulghan.
مۇناسىۋەتلىك خەۋەرلەر
yon suk yéol: shimaliy koréyeni yadrosizlashturush pilanimiz yoq
jenubiy koréye pirézidénti yon suk yéol shimaliy koréyeni yadrosizlashturush pilani yoqliqini éytti.
afghanistanda yüz bergen kelkün apitide 8 kishi qaza qildi
afghanistanda yüz bergen kelkün apitide 8 kishi hayatidin ayrilip, 6 kishi yarilandi.
