y t b  amérikadiki éhtiyajliq aililerge insanperwerlik yardem qildi

türkiye sirtdiki türkler we qérindash türkiy milletler bashqarmisining qollishi bilen «wuxen wirusi» ning eng éghir zerbisige uchrighan döletlerdin amérika qoshma ishtatlirida éhtiyajliq aililerge insanperwerlik yardem buyumliri tarqitip bérildi.

1411333
y t b  amérikadiki éhtiyajliq aililerge insanperwerlik yardem qildi

türkiye sirtdiki türkler we qérindash türkiy milletler bashqarmisining bildürüshiche, «diaspora <wuxen wirusi> yardem we hemkarliq pirogrammisi» dairiside, niyu york we niyu jérséy ishtatliridiki éhtiyajliq aililerge insanperwerlik yardem buyumliri tarqitip bérilgen.

Turkish American National Steering Committee (TASC) ning hemkarliqida yüzlerche ailige yardem qolini sunghan türkiye sirtdiki türkler we qérindash türkiy milletler bashqarmisi, amérika qoshma ishtatlirida yashawatqan türkiye puqraliri we ammiwi teshkilatlarning wasitisi arqiliq maska, taziliq buyumliri we yémek - ichmek qatarliq insanperwerlik yardem buyumlirini ramizan éyi boyiche téximu köp miqdarda éhtiyajliq aililerge tarqitip bérishni pilanlimaqta iken.

bashqarma, «diaspora <wuxen wirusi> yardem we hemkarliq pirogrammisi» dairiside, dunyaning herqaysi jayliridiki türkiye puqraliri we qurghan ammiwi teshkilatlarning wasitisi arqiliq «wuxen wirusi» gha qarshi küresh we hemkarliq paaliyetlirini izchil dawamlashturmaqta iken.  bu dairide yardemge muhtaj aililerge bériliwatqan yardemlerdin sirt yene, türk ammiwi teshkilatlar teripidin ishlepchiqirilghan maska we pertuqlar bolsa paaliyet élip bériliwatqan döletlerdiki doxturxanilargha iane qilinmaqta iken.


خەتكۈچ: #ramizan , #türkiye , #yardem , #amérika , #y t b

مۇناسىۋەتلىك خەۋەرلەر