«23 – aprél milliy igilik hoquq we balilar bayrimi» tentenilik tebriklenmekte

türkiye büyük millet mejlisi qurulghanliqining 100 – yilliqi we «23 – aprél milliy igilik hoquq we balilar bayrimi» küni munasiwiti bilen mejlistiki atatürkning meqberesi aldida murasim ötküzüldi.

1403922
«23 – aprél milliy igilik hoquq we balilar bayrimi» tentenilik tebriklenmekte

türkiye awazi radiyosi xewiri: murasimda, türkiye büyük millet mejlisining bashliqi mustafa shentupning atatürkning meqberesige qizil we aq renglik gülchembireklerni qoyushidin kéyin hörmette turuldi, istiqlal marshi oquldi.

kéyinche, shentop bashchiliqidiki dölet rehberliri türkiye büyük millet mejlisi qurulghanliqining 100 – yilliqi we «23 – aprél milliy igilik hoquq we balilar bayrimi» küni munasiwiti bilen atatürk xatire sariyida ötküzülgen murasimgha qatnashti.

murasimgha, shentoptin sirt yene, muawin jumhur reis fuat oktay, herqaysi siyasiy partiyelerning rehberliri, bir qisim ministirlar we parlamént ezalirimu qatnashti. shentop «<misaqi milliy> munari» da atatürk xatire sariyining mexsus deptirini imzalidi.

maarip ishliri ministiri ziya selchuq, «23 – aprél milliy igilik hoquq we balilar bayrimi» küni munasiwiti bilen atatürk xatire sariyini ziyaret qildi.

«<misaqi milliy> munari» da atatürk xatire sariyining mexsus depritini imzalighan salchuq, depterge her bir ösmürning hayatida ijabiy tesirlerni qaldurush üchün pütün küchliri bilen xizmet ishlewatqanliqlirini, bu angni chöridigen halda ösmürlerni özlirining milliy we meniwi qimmetlirige sahip chiqalaydighan, dunyawi qimmetlerni qobul qilalaydighan, öz dewrining yönilishini belgiliyeleydighan bilimlik, talantliq, erkin pikirlik, wijdanliq we istidatliq ewlatlardin qilip yétishtürüp chiqish üchün mislisiz tirishchanliq körsitiliwatqanliqini yazdi.

«23 – aprél milliy igilik hoquq we balilar bayrimi» we türkiye büyük millet mejlisi qurulghanliqining 100 – yilliqi munasiwiti bilen istanbulning taksim meydanidiki «jumhuriyet xatire sariyi» ning aldidimu murasim ötküzüldi.

«23 – aprél milliy igilik hoquq we balilar bayrimi» we «türkiye büyük millet mejlisi qurulghanliqining 100 – yilliqi» ni tebriklesh munasiwiti bilen birinchi mejliste murasim ötküzüldi.

murasimgha, türkiye büyük millet mejlisining bashliqi mustafa shentup, muawin jumhur reis fuat oktay, jumhuriyet xelq partiyesi rehbiri kemal qilichdaroghlu, maarip ministiri ziya selchuq, dölet mudapie ministiri xulusi aqar, milliyetchi heriket partiyesi rehbiri dölet bahcheli, bash ishtab bashliqi général yashar güler, quruqluq armiye qomandani général ümit dündar, déngiz armiyesi qomandani adnan özbal, hawa armiyesi qomandani général hesen küchükaqyüz we bir qisim parlamént ezaliri qatnashti.

shentop, bu yerde qilghan sözide mundaq dédi: «bu mejlis shert – sharaitning adettin tashqiri derijide nachar bolushigha qarimay, xelqimizning musteqilliq iradisining qetiylikini pütkül jahangha namayen qilish üchün küreshke atlanghan qehriman bir milletning simwolidur.»

kéyinche türkiye büyük millet mejlisi omumiy kéngishi parlamént bashliqi shentopning riyasetchilikide, «türkiye büyük millet mejlisi qurulghanliqining 100 – yilliqi» we «23 – aprél milliy igilik hoquq we balilar bayrimi» ni tebriklesh munasiwiti bilen mexsus küntertipke asasen toplandi.

shentop bu yerde qilghan sözide mundaq dédi: «biz qurulghanliqining 100 – yilliqini tebriklewatqan ghazi mejlisimiz, milliy küreshning netijisi emes, eksiche biwasite merkizi we qarargahidur.»



مۇناسىۋەتلىك خەۋەرلەر