liwiye hökümiti qisimliri bügün chong utuqni qolgha keltüdi

birleshken döletler teshkilati  teripidin étirap qilinghan liwiye döletlik muresselishish hökümiti qisimliri paytext tirablusning gherbiy jenubidiki ikkinchi eng muhim istiratégiyelik baza bolghan watiyyening kontirolluqini toluq alqinigha aldi.

1385041
liwiye hökümiti qisimliri bügün chong utuqni qolgha keltüdi

türkiye awazi radiyosi xewiri: bügün etigen liwiye döletlik muresselishish hökümitining «tinchliq borini herikiti»ge qomandanliq qilghan mayor général osame juweyli watiyye hawa armiye bazisining kontrolluqini toluq qolgha keltürgenlikini élan qildi.

juweyli b d t ning yéngi tiptiki wuxen wirusi sewebidin insanperwerlik asasida urush toxtitish chaqiriqigha pisent qilmastin, herbiy isyanchi hafter qoralliq unsurlirining tirablusqa hujum qilishni dawamlashturghanliqini, shunga ulargha qarshi heriket bashlighanliqini eskertti.

watiyye hawa armiye bazisigha  bügün etigen oxshimighan üch tereptin heriket élip barghanliqini tilgha alghan juweyli, bolupmu asasliq kirish éghizigha qilghan hujumda bazisining kontrolluqini toluq qolgha keltürgenlikini bildürdi.

mitiga ayrodromidin qalsila eng muhim hawa armiye bazisi süpitide qobul qilinghan watiyye 2014 - yili 8 - ayda hafter unsurliri teripidin tartiwilinghan bolup, liwiye döletlik muresselishish hökümiti qisimliri 2019 - yili 4 - ayda bazining kontirolluqini qisqighine waqit alqinigha alghan bolsimu, biraq yene qayta qoldin ketküzüp qoyghan idi.



مۇناسىۋەتلىك خەۋەرلەر