ливийә һөкүмити қисимлири бүгүн чоң утуқни қолға кәлтүди

бирләшкән дөләтләр тәшкилати  тәрипидин етирап қилинған ливийә дөләтлик мурәссәлишиш һөкүмити қисимлири пайтәхт тираблусниң ғәрбий җәнубидики иккинчи әң муһим истиратегийәлик база болған ватиййәниң контироллуқини толуқ алқиниға алди.

1385041
ливийә һөкүмити қисимлири бүгүн чоң утуқни қолға кәлтүди

түркийә авази радийоси хәвири: бүгүн әтигән ливийә дөләтлик мурәссәлишиш һөкүмитиниң «тинчлиқ борини һәрикити»гә қоманданлиқ қилған майор генерал осамә җувәйли ватиййә һава армийә базисиниң контроллуқини толуқ қолға кәлтүргәнликини елан қилди.

җувәйли б д т ниң йеңи типтики вухән вируси сәвәбидин инсанпәрвәрлик асасида уруш тохтитиш чақириқиға писәнт қилмастин, һәрбий исйанчи һафтәр қораллиқ унсурлириниң тираблусқа һуҗум қилишни давамлаштурғанлиқини, шуңа уларға қарши һәрикәт башлиғанлиқини әскәртти.

ватиййә һава армийә базисиға  бүгүн әтигән охшимиған үч тәрәптин һәрикәт елип барғанлиқини тилға алған җувәйли, болупму асаслиқ кириш еғизиға қилған һуҗумда базисиниң контроллуқини толуқ қолға кәлтүргәнликини билдүрди.

митига айродромидин қалсила әң муһим һава армийә базиси сүпитидә қобул қилинған ватиййә 2014 - йили 8 - айда һафтәр унсурлири тәрипидин тартивилинған болуп, ливийә дөләтлик мурәссәлишиш һөкүмити қисимлири 2019 - йили 4 - айда базиниң контироллуқини қисқиғинә вақит алқиниға алған болсиму, бирақ йәнә қайта қолдин кәткүзүп қойған иди.



مۇناسىۋەتلىك خەۋەرلەر