wuxen wirusi apitining 3 xil usulda yoqilidighanliqi élan qilindi

dunyaning her qaysi jaylirida minglighan ademning jénigha zamin bolghan wuxen wirusi (Kovid-19) ning üch xil usulda yoqilidighanliqi élan qilindi.

1383514
wuxen wirusi apitining 3 xil usulda yoqilidighanliqi élan qilindi

türkiye awazi radiyosi xewiri: paytext enqerediki hajettepe uniwérsitéti tébbiy fakultéti, balilar yuqumluq késellikliri bölümining bashliqi piroféssor doktor mehmet jeyxan wuxen wirusining yoshurun mezgilide, bimarlarda héchqandaq késellik alamiti körsetmeydighanliqini, lékin  bashqa insanlargha  yuqushni dawamlashturidighanliqini bildürüp,:«késellikning yoshurun dewri 2 kündin 14 küngiche bolidu. bu wirus tarqilishchan zukam, ménge perde yallughi, öpke yallughi, qizilönggech qatarliq tamchilar arqiliq tarqilidu. sars we mers  yuqumida bolsa, késellik  alametliri bashlanghandin kéyin tarqilatti. emma wuxen wirusida bu késellik yoshurun mezgilide  bashlinidu. shunga , éhtiyatchan bolush, ijtimaiy paaliyetlerdin yiraq turush we taziliqqa ehmiyet bérish tolimu muhim» dédi.

sars we mers  bilen sélishturghanda wuxen wirusining intayin yuqumchan ikenlikini tekitligen jeyxan, bu  yuqumluq apetni 3 xil usulda axirlashturghili bolidighanliqini uqturdi.

u: «yaki insanlarning körünerlik bir qismi immonit küchige ige bolidu we wirus tarqimaydighan bolidu. yaki wakséna tépilidu we  wakséna arqiliq insanlarning immonit küchi ashurulidu. üchinchisi, wirus özlikidin özgirip, insandin insangha yuqush alahidilikini yoqitidu. tarqilishchan késellik peqet mushu üch xil usulda axirlishidu. mesilen, sars késellikide wirus belkim özgergen we shu shekilde axirilashqan bolushi mumkin» dédi.


خەتكۈچ: #enqere , #wuxen wirusi

مۇناسىۋەتلىك خەۋەرلەر