perwerdigaringning chirayliq wedisi toluq ishqa ashti

pirewn we uning qewmining salghanliri (yeni imaretliri) ni we yasighanliri (yeni baghliri we ékinzarliqliri) ni weyran qilduq.

1355306
perwerdigaringning chirayliq wedisi toluq ishqa ashti

perwerdigaringning chirayliq wedisi toluq ishqa ashti

türkiye awazi radiyosi: eraf sürisi, 131 – 137 – ayetler. ular eger (parawanliq ـ molchiliqtek) birer yaxshiliqqa érishse, biz buninggha heqliqmiz, deydu. eger ulargha birer yamanliq kelse, ular: bu musa we uning bilen bille bolghan möminlerning shumluqidin keldi, deydu. ulargha yetken yaxshiliq bilen yamanliq (musaning shumluqidin emes) allahning teqdiridur, lékin ularning tolisi buni (yeni ulargha kelgen bala ـ qazaning öz gunahliri tüpeyli allah teripidin kelgenlikini) uqmaydu[131]. ular (yeni pirewn qewmi): «közimizni baghlash üchün herqandaq möjize keltürsengmu biz sanga hergiz ishenmeymiz» dédi[132]. ulargha su apitini, chéketke, pit, paqa, qan (balalirini) roshen möjiziler qilip ewettuq, (allahqa iman éytishqa) ularning gedenkeshliki yol qoymidi, ular gunahkar qewm boldi[133]. ulargha bala nazil bolghanda, ular: «i musa! perwerdigaringgha özining sanga ata qilghan ehdi bilen (yeni sanga bergen peyghemberlikning heqqi hörmiti bilen bizdin balani kötürüwétishke) dua qilsang, allahqa qesemki, eger bizdin balani kötürüwetseng, sanga choqum iman éytimiz, israil ewladini choqum sen bilen bille qoyup bérimiz» dégen idi[134]. ulardin balani waqitliq kötürüwetken chéghimizda, ular tosattin ehdilirini buzdi[135]. ayetlirimizni inkar qilghanliqliri we ayetlirimizdin ghapil bolghanliqliri üchün, ularni déngizgha gherq qilip jazaliduq[136]. bozek qilinghan qewmni (yeni beni israilni) biz beriketlik qilghan (sham) zéminning sherq tereplirige we gherb tereplirige (yeni hemme terepke) waris qilduq. israil ewladi sewr qilghanliqliri üchün, perwerdigaringning ulargha qilghan chirayliq wedisi toluq ishqa ashti؛ pirewn we uning qewmining salghanliri (yeni imaretliri) ni we yasighanliri (yeni baghliri we ékinzarliqliri) ni weyran qilduq[137].



مۇناسىۋەتلىك خەۋەرلەر