ezerbeyjan chawushoghlugha «dostluq ordéni» teqdim qildi

ezerbeyjan pirézidénti ilham eliyéw tashqi ishlar ministiri mewlüt chawushoghlugha «dostluq ordéni» teqdim qildi.

ezerbeyjan chawushoghlugha «dostluq ordéni» teqdim qildi

türkiye awazi radiyosi xewiri: eliyéw chawushoghlugha «dostluq ordéni» teqdim qilish murasimida mundaq dédi: «chawushoghlu ependim! siz ezerbeyjanni chin dilingizdin söyisiz. siz hemishe ezerbeyjanni qollap – quwwetlep kéliwatisiz, siz bilen yawropa kéngishidimu hemkarlashtuq, herdaim bir – birimizni qolliduq, qérindash dölet türkiyening dunyada küch merkizige aylinishida sizning qoshqan töhpiliringiz intayin zor. xelqimiz sizni nahayiti yaxshi tonuydu hem intayin yaxshi köridu, chongqur hörmet qilidu, mana mushundaq sewebler tüpeyli sizge <dostluq ordéni> teqdim qilishni layiq körduq.»

chawushoghlu mundaq dédi: «men wezipige olturghandin buyan peqet türkiyeningla emes, ezerbeyjanning heq – hoquqlrini qoghdashni bash tartip bolmaydighan mesuliyitim dep qarap kéliwatimen. <dostluq ordéni> gha layiq körülgenlikim üchün intayin xushalmen, bu manga nisbeten nahayiti zor shan – shereptur, buning üchün köptin- köp rehmet éytimen. eliyéw ependim! sizmu türkiyening heq – hoquqlirini jan tikip qoghdawatisiz, ikki qérindash dölet hemishe birlikte heriket qiliwatidu, bir – birining heq – hoquqliri hem menpeetlirini jan tikip qoghdawatidu, jumhur reisimiz rejep tayyip erdoghan  bilen sizning rehberlikingizde munasiwetlirimiz adettin tashqiri derijide kücheydi, atingiz jennet makan merhum heyder eliyéwning <ikki döletmiz, emma bir milletmiz> dégen sözi bizge hemishe yol körsitiwatidu, men tashqi ishlar ministiri bolush süpitim bilen herdaim peqet türkiyeningla emes, ezerbeyjanning diplomatiye ministiri süpitidimu xizmet ishlewatimen, buningdin kéyinmu shundaq qilimen.»



مۇناسىۋەتلىك خەۋەرلەر