әзәрбәйҗан чавушоғлуға «достлуқ ордени» тәқдим қилди

әзәрбәйҗан пирезиденти илһам әлийев ташқи ишлар министири мәвлүт чавушоғлуға «достлуқ ордени» тәқдим қилди.

әзәрбәйҗан чавушоғлуға «достлуқ ордени» тәқдим қилди

түркийә авази радийоси хәвири: әлийев чавушоғлуға «достлуқ ордени» тәқдим қилиш мурасимида мундақ деди: «чавушоғлу әпәндим! сиз әзәрбәйҗанни чин дилиңиздин сөйисиз. сиз һәмишә әзәрбәйҗанни қоллап – қуввәтләп келиватисиз, сиз билән йавропа кеңишидиму һәмкарлаштуқ, һәрдаим бир – биримизни қоллидуқ, қериндаш дөләт түркийәниң дунйада күч мәркизигә айлинишида сизниң қошқан төһпилириңиз интайин зор. хәлқимиз сизни наһайити йахши тонуйду һәм интайин йахши көриду, чоңқур һөрмәт қилиду, мана мушундақ сәвәбләр түпәйли сизгә <достлуқ ордени> тәқдим қилишни лайиқ көрдуқ.»

чавушоғлу мундақ деди: «мән вәзипигә олтурғандин буйан пәқәт түркийәниңла әмәс, әзәрбәйҗанниң һәқ – һоқуқлрини қоғдашни баш тартип болмайдиған мәсулийитим дәп қарап келиватимән. <достлуқ ордени> ға лайиқ көрүлгәнликим үчүн интайин хушалмән, бу маңа нисбәтән наһайити зор шан – шәрәптур, буниң үчүн көптин- көп рәһмәт ейтимән. әлийев әпәндим! сизму түркийәниң һәқ – һоқуқлирини җан тикип қоғдаватисиз, икки қериндаш дөләт һәмишә бирликтә һәрикәт қиливатиду, бир – бириниң һәқ – һоқуқлири һәм мәнпәәтлирини җан тикип қоғдаватиду, җумһур рәисимиз рәҗәп таййип әрдоған  билән сизниң рәһбәрликиңиздә мунасивәтлиримиз адәттин ташқири дәриҗидә күчәйди, атиңиз җәннәт макан мәрһум һәйдәр әлийевниң <икки дөләтмиз, әмма бир милләтмиз> дегән сөзи бизгә һәмишә йол көрситиватиду, мән ташқи ишлар министири болуш сүпитим билән һәрдаим пәқәт түркийәниңла әмәс, әзәрбәйҗанниң дипломатийә министири сүпитидиму хизмәт ишләватимән, буниңдин кейинму шундақ қилимән.»



مۇناسىۋەتلىك خەۋەرلەر