2020 - yilliq türkiye - yawroasiya munasiwetlirige nezer

2020 – yili türkiyening yawroasiya jughrapiyesidiki döletler bilen bolghan munasiwetliri, türkiyeni kütüwatqan özgirishler.

1333555
2020 - yilliq türkiye - yawroasiya  munasiwetlirige nezer

2020 - yilliq türkiye - yawroasiya munasiwetlirige nezer

türkiye awazi radiyosi: yéqinqi yillarda türkiyening yawroasiya jughrapiyesidiki döletler bilen bolghan munasiwetliri künséri tereqqiy qilmaqta. ikki tereplik we rayonluq mesililerni hel qilish jehettin, bu munasiwetler hemme üchün paydiliqtur. türkiye jumhuriyiti tashqi ishlar ministirliqining, yéngi basquchta asiya elliri bilen bolghan munasiwetlerni yéngi bir sewiyege yetküzidighanliqini, «qaytidin asiyagha qarita ishikni échiwétish» témisi astida békitip chiqishi, türkiye – yawroasiya döletliri munasiwetlirining kapaliti hésablinidu.

yawroasiyaning halqiliq döletliridin biri, shek – shübhisiz halda rusiye fédératsiyesidur. türkiye – rusiye munasiwetliri yéqinqi yillarda eng yüksek sewiyede dawamlashmaqta. türkiye rusiyedin «400 - s» bashqurulidighan bomba mudapie sistémisini sétiwélip, ikki tereplik munasiwetlerni yéngi sewiyege yetküzgen boldi. jumhur reis rejep tayyip erdoghan bilen rusiye pirézidénti wiladimir putinning yéqinqi üch yil ichide 20 qétimdin artuq yüzturane, texminen  50  qétim téléfonda körüshüshimu, ikki terep munasiwetlirining muweppeqiyetlik dawamlishiwatqanliqining eng roshen namayendisi, elwette. süriye kirizisining hel qilinishida rusiye – türkiye hemkarliqining muhim ikenliki hemmige ayan. bu nuqtidin élip éytqanda, 2020 – yilining türkiye – rusiye munasiwetliri jehettin muweppeqiyetlik bolidighanliqini késip éytishqa bolidu. ruslarning yéngi yilda bir hepte tetil qilidighanliqi nezerge élinghinida, putinning 2020 – yili 8 – yanwar küni istanbulgha qilidighan ziyariti, uning 2020 – yilliq tunji chet el ziyariti bolidu. buningdin bashqa yene, putin ruslargha nisbeten nahayiti muhim bolghan «zeper bayrimi» ning 75 – yilliqini tebriklesh paaliyetlirige jumhur reis rejep tayyip erdoghanni teklip qildi. «türk éqimi», «aqquyu yadro éléktir istansisi»,  «<400 – s> bashqurulidighan bomba mudapie sistémisi», «urush ayropilanliri», «sayahet sahesi», «süriye kirizisi» qatarliq muhim mesililerde ikki döletning birlikte ishqa ashurushigha tégishlik nahayiti köp ishlar bardur.

2019 – yili yéngi pirézidéntini saylap chiqqan ukrainaning türkiye bilen bolghan munasiwetliri eng yüksek sewiyede dawamlashmaqta. ukraina pirézidénti wladimir zéléniski pirézidéntliqqa saylinip anche uzun ötmey tetil üchün türkiyege keldi we 7 – awghust küni enqerede dölet ishliri ziyaritide boldi. qaradéngizning bixeterliki, qirim mesilisi, ortodoks chérkawi qatarliq muhim rayonluq mesililerde ikki dölet bir – birini qollimaqta. shunga, 2020 – yili türkiyening ukraina bilen bolghan munasiwetlirining muqim halette izchil dawamlishishi kütülmekte.

yene bir silawiyan döliti bolghan bélarusiye – türkiye munasiwetlirimu közge körünerlik derijide yaxshi kétiwatidu. bélarusiye pirézidénti aléksandir lukashénko 2019 – yili 16 – aprél küni türkiyede dölet ishliri ziyaritide boldi. 2020 – yili jumhur reis rejep tayyip erdoghanning ukraina we bélarusiyede dölet ishliri ziyaritide bolushi küntertipke kélishi mumkin.

türkiyening kawkaz rayonidiki tam qoshnisi giruziyedur. türkiye bilen giruziye xelqaraliq tiranzit dölet salahiyitige ige bolghanliqi üchün,  2020 – yili girétsiye – türkiye munasiwetliri téximu mustehkemlinidu. baku – tiflis – qaris tömür yolining ünümini ashuridighan, baku – tiflis – jeyhan we trans anadolu tebiiy gaz turuba liniyesi layihesi arqiliq sherqning néfiti gherbke yötkilidu.

ezerbeyjan aldinqi yillardikige oxshashla, türkiyening hazar terepke échilidighan muhim ötüsh éghizi bolushni dawamlashturmaqta. türkiye bilen ezerbeyjan hemkarliiship tereqqiy qildurghan «üch terep mixanizmi» 2020 – yilimu dawamlashturulidu.

türkiye 2019 – yiil iqtisadiy hemkarliq teshkilatining nöwetchi reislik wezipisini tajikistandin ötküzüwaldi. iqtisadiy hemkarliq teshkilatining nöwetchi reislik wezipisi, türkiyening sherqtiki musulman we türkiy döletler bilen bolghan munasiwetliride aktip rol oynishi, rayonluq we xelqaraliq mesililerge hel qilish charisi izdishi we öz istiratégiyelirini otturigha qoyushida muhim rol oynaydu. buningdin bashqa yene, türkiye parlamént ezaliri ansambili, asiya hemkarliq diyalogining nöwetchi reisi bolushtin sirt yene, asiyaning qelbi  - istanbul musapisining nöwetchi reislik wezipisinimu ötep kelmekte.

türkiyening türk dunyasi bilen bolghan munasiwetliride 2020 – yili yéngi özgirishlerning otturigha chiqish éhtimali nahayiti yüksektur. türkiyening tirishchanliq körsitishi netijiside özbékistan eza, türkmenistan közetküchi bolghan türk kéngishi paaliyetlirini  küchini yenimu zoraytqan halda dawamlashturidu.  türk kéngishining 2020 – yilliq aliy derijilik rehberler yighini türkiyede chaqirilidu. 4 – nöwetlik dunya köchmenler oyunliri musabiqisiningmu 2020 – yli bursada ötküzülidighanliqi nezerda tutulghinida, ilgiri qirghizistanda ötküzülginigige oxshash, ikki muhim paaliyetmu arqimuarqa ishqa ashurulushi mumkin. yéngi yil harpisida yaki 2020 – yili ichide qazaqistanning yéngi pirézidénti qasim jömert toqayéw türkiyede tunji resmiy ziyaritini ishqa ashurushi mumkin.

türkiye türk dunyasining rehbiri sewiyesidiki bir dölet bolush süpiti bilen 2020 – yili özbékistanning türk dunyasi xelqaraliq organliri bolghan türkiy tilda sözlishidighan döletler parlamént ezaliri kéngeshmisi, xelqara türk medeniyiti teshkilati, türk medeniyiti we mirasliri fondi jemiyiti, türk akadémiyesi qatarliq teshkilatlargha eza bolushigha we hemkarliq ornitishigha yardemchi bolidu. türkiyening özbékistandiki sélinmiliri qisqa waqit ichide ikki dölet munasiwetlirini eng yüksek sewiyege yetküzdi.

türkiyening türk kéngishi bashliqlar yighinigha sahibxaniliq qilidighan bolushi, türkmenistanning türk dunyasi bilen pütünlüshishi üchün qedem tashlishigha wesile bolushi mumkin. derweqe, türkmenistan pirézidénti qurbanguli berdimuhemmedow2019 – yili 6 – dékabir küni türkiye bilen bolghan hemkarliqning dairisini kéngeytishke ehmiyet béridighanliqlirini jakarlighanidi. shuni alahide tekitlesh hdjetki, 2019 – yili türkiye türkiy tilda sözlishidighan döletler parlamént ezaliri kéngeshmisining nöwetchi reislik wezipisini muweppeqiyetlik halda tamamlap, ezerbeyjangha ötküzüp berdi.

yighip éytqanda, 2020 – yili türkiyening aktip we insaniy diplomatiye siyasitini dawamlashturushi we yawroasiya rayonidiki eller bilen bolghan munasiwetliride, yéngi yilning utuqluq yillardin biri bolushi kütülmekte.



مۇناسىۋەتلىك خەۋەرلەر